قصه قصيره 🐥
وقلبي مطمئن بك 💛
______________
_هتفضلي كدا كتير يابنتي
_مش فاهمه قصدك ايه
_لا انتي فاهمه ياريحانه بس بتستعبطي عليا
_ريحانه بخنقه ماما بعد اذنك الموضوع دا منهي ممكن تقفليه
_الام بحزن علي بنتها: يابنتي عشان خاطري ادي لنفسك فرصه تانيه انتي مش اول ولا اخر بنت زوجها يتوفي وانتي صغيره والدنيا قدامك لسه فيها ايه لما تتدي لنفسك فرصه مش يمكن تنسيه
_ريحانه بوجع انا عمري ماانسي محمد ابدا ياماما انتي عارفه انا كنت بحب محمد قد ايه وعارفه انه حبي الاول والاخير ومع ذلك عماله تزني عليا ف موضوع الجواز تاني
_الام بتعب: عايزه افرح بيكي تاني انتي لسه صغيره وحرام عليكي تدفني نفسك بالحيا كدا محمد خلاص مات بقاله سنه وانتي لازم حياتك تستمر عشان تطلعي من حزنك دا يابنتي
_ريحانه بدموع ادعيلي ابقي كويسه وياريت الموضوع دا ميتفتحش تاني ياماما انا هنزل شويه عشان مخنوقه
_الام ماشي يابنتي متتأخريش
"اخدت عربيتي وروحت اتمشيت علي البحر افتكرت ذكرياتي معاه محمد كان زوج محترم وخلوق وعمرو مازعلني ف يوم كان حنين اوي عليا وكان بيقرئلي القران ولبست النقاب علي ايده كان موته بالنسبالي كبوس ومش عارفه اطلع منه"
_ريان انا عايز اعرف انا بترفض ليه
_ريحانه بعدم فهم هو حضرتك بتكلمني انا
_ريان ايوه بكلمك انتي ياريحانه
_ريحانه بصدمه انت تعرفني منين
_ريان بإبتسامة حزن من زمان اوي بس انتي مش واخده بالك للأسف انا اعرفك من قبل ماتتجوزي محمد كنت متقدملك بس انتي موفقتيش عليا وجيت اتقدمتلك علي امل المرادي افوز بيكي
_ريحانه بتوتر طب بعد اذنك انا همشي
_ريان بإندفاع قبل ماتمشي افتحي قلبك تاني واديني فرصه يمكن اكون زي محمد واحسن
"سمعت كلامه ومردتش عليه معرفش طلعلي دا منين روحت البيت كنت مفكره ان خنقتي هتروح بس خنقني زادت اكتر افتكرت محمد لما كان بيقولي لما تبقي مخنوقه ياريحانه ألجي علي طول لربنا هو ملجئك الوحيد اتوضيت وصليت ركعتين وفضلت اقرء قران فضلت اعيط واشتكي الله علي اللي انا فيه فضلت كدا لمده ساعه لحد ماقلبي اتطمئن بقرب الله"
_ام ريان: هي سحرالك البنت دي ولا ايه مش فاهمه
_ريان بهدوء لا مسحرتليش انا بحبها ياماما
_ام ريان بحسره: هتتجوز واحده مطلقه ياريان وانت لسه متجوزتش قبل كده ليه كدا يبني حرام عليك
_ريان بدفاع: ومالها المطلقه ياماما ناقصها ايه يعني المجتمع والعادات وتقاليد نسونا ديننا النبي صلى الله عليه وسلم تزوج المطلقه وتزوج اكبر منه سنن واصغر منه ف العمر الزواج ملوش دعوه بمطلقه ولا انسه الزواج زواج وانا لو متجوزتش ريحانه مش هتجوز غيرها بعد اذنك هنزل المسجد اصلي
_ام ريان بغلب ربنا يسعدك يابني
_عائشه بقولك ياريحانه
_ريحانه اتفضلي ياحبيبتي عايزه تقولي ايه
_عائشه انا بنزل احفظ القران ف مسجد وبحضر دروس علم متيجي تنزلي معايا
_افتكرت اني حافظه القران كامل بس بقالي فتره كبيره مرجعتش عليه بصتلها وقولتلها: ماشي هلبس واجي معاكي
_عائشه بفرحه ماشي مستنياكي
"لبست ادنائي الاسود ونقابي واول مره ابتسم من بعد موت محمد معرفش ليه فرحت يمكن عشان بقالي فتره طويله منزلتش المسجد ورجعت علي القران"
_ريحانه بحب انا لبست اهو يلا بينا عشان مشتاقه للمسجد
_عائشه ايوه كدا هي دي ريحانه صحبتي اللي اعرفها
"نزلنا سوا المسجد سألتها مين بيحفظك القران قالتلي شيخ هو اللي بيحفظني قلقت شويه لاني مبحبش اتعامل مع الرجال ودايما بحفظ مع النساء بس قولت مش مشكله مدام محترم ونا واثقه ف كلام عائشه"
_عائشه السلام عليكم ورحمة الله وبركاته ازيك ياشيخ دي ريحانه صحبتي جايه عشان تراجع مع حضرتك القران
_ريان بصدمه: ريحانه
_ريحانه بتوتر هو انت...... يتبع
✍️: زيزي محمد
