شوفتي اللي داق الألم....
وكتم كتير جواه؟
شوفتي اللي فيكي اتظلم...
وحُبه ليكي أذاه؟
اللي هرب واتغرب....
عشان انتي مش شايفاه.
كل اما ييجي يقرب...
يلقاكي ليه كارهاه ؟
دق الغريب أبوابك....
عيشتي الزمن حاضناه .
واللي عشق ف ترابك...
من حسبتك حاذفاه.
قوليلي إيه الحل...؟
لا طلبت مال ولا جاه.
نفسي تكوني الضل...
وسط الزمن وقساه.
ما غير الذل..
والقهر ياولداه.
نبضي اللي دق بحبك...
صادق وعهد الله.
ذنبه أكيد مش ذنبك...
وسط الألم دبحاه.
ملعون أبو اللي يحبك...
طول مانتي مش طايقاه.
أنت تقرأ
خفايا الروح. (مجهول)
Mystery / Thrillerمرحبًا يارفاق جميعًا، ثم تبًا لكِ أنتِ فقط، وبعد ... قبل عام من الآن تمامًا، حاولت أن أكتب نصًا يصفُ فاجِعتُكَ التي ألحقتها بي في بضعة ايام، و كيف أستطعتَ أن تُقلّصِ مكانتكَ في قلبي تدريجيًا، لكن للأسف لم أستطع!! حاولت خلق كل الأجواء الملائمة ل...
