ياوش ابيض
وتوب أبيض ف لون قلبك مغطيكى
ياستى يارب يحميكى
ولا تشوفى الآسى أبداً
ولاتِبكى فى يوم بليل
ياوش ملاك وكان حظه
يحب ف حد قلبه بخيل
ياروح شفافة فى البسمة وفى الرسمة
ياطِعمة زى ماء النيل
ياأغنية بدون نغمات
ولامِكسر بتاع أصوات
غرام يحفر من القنوات
يانبع حنان مزيينها
انا قلبى ماليه انفجارات
وشفت بلاوى وانكسارات
بلعت آآهات ماهيش لاقية
قناية بوح تسيل منها
مدينة قلبى خربانة ونفسى تكونى سُكانها
ونفسى تكونى تَعزيتى وباب بيتى تكونى الروح واحضانها
انا العايش بدون عنوان
ولا سكة لسفر قلبى
لانا مخبى عليكى غرام
ولا لغيرك باعين حُبى
ولا غيرك بقوله سلام
ولا اتعصب عليه فى كلام
عشان عارفانى ليه تعبان
وقادرة تغفرى ف ذنبى
وبتسامحى وبتهاودى وبتروحى وبتجينى
تكونى بجد مش حاسة
وانا الصادق ف تخمينى
بإنك ياملاك روحى بقيتى خلاص تحبينى؟
تكونى النور وورد وحور
سرور ساكن فى تكوينى؟
ياوش جميل جمال خاطف
جمال عنه نقول لافت
جمال بيشوفه جواهرجى
يقول ياسلام صحيح 'يافت'
مَجرة من كائن بشرى
أصيل ف جمال وجاذبية
انا من كتر إحساسك
أشُك ان انتى بشرية
واشوفك جوه احلامى
عشان مش قاعدة قدامى بعيش قلقان
وبرضو ان كنتى ويايا
وشفتك فى الحقيقة كمان
فابتقمص زينات صدقى وانادى ياخالق الآكوان
ياستى يارب يحميكى
تحنى ده الجدع غلبان وميت م الحياة تخبيط
باعيش حيران حيرة قطة
إذا اتقابلت فى بكرة خيط
يالمسة أم راس طفلة
بحنيا مع التمشيط
ما إيه رأيك تكونى غرام
أمل وحنان
وم الأخر تكونى البيت؟
أنت تقرأ
خفايا الروح. (مجهول)
Misterio / Suspensoمرحبًا يارفاق جميعًا، ثم تبًا لكِ أنتِ فقط، وبعد ... قبل عام من الآن تمامًا، حاولت أن أكتب نصًا يصفُ فاجِعتُكَ التي ألحقتها بي في بضعة ايام، و كيف أستطعتَ أن تُقلّصِ مكانتكَ في قلبي تدريجيًا، لكن للأسف لم أستطع!! حاولت خلق كل الأجواء الملائمة ل...
