بنهاية كل سنه بيكون لينا وقفة مع نفسنا علشان نعيد حسابتنا علي اللي فات ونكون جاهزين لاهداف وتحديات جديدة ..
- بنقيم ونحاسب نفسنا علي كل اللي حصل في السنه دي .. التقييم بيكون علي الحلو والوحش علشان نزود من الحلو ونحسن من الوحش ..
- بنشوف حققنا ايه من الاهداف اللي حطناها السنه اللي فاتت ووصلنا لفين ..
- حققت كام في الميه من اللي كنت عايز اوصله
- ايه اللي ساعدني وايه اللي عطلني في وصولي لاهدافي ...
- ايه الاهداف الجديدة اللي عايز احققها في السنة الجديدة والخطة المناسبة لكل هدف.
- ايه الحاجات اللي اتعلمت منها وحسيت انها فرقت معايا في حياتي … وايه الحاجات اللي عايز اتعلمها علشان اكون افضل ...
- مين الناس اللي وقفت جنبي وساندتي ومين الناس اللي خسرتها وايه الاسباب ...
- ايه الافكار اللي لازم اتخلص منها وايه الافكار البديلة ...
- ايه العادات الجديدة اللي اكتسبتها وساعدتني في حياتي وايه العادات السيئة اللي محتاج اتخلص منها ...
والأهم من كل دا علاقتك بربنا اللى خلقك ايه
اوعى تكون مقصر دا هو دا الأساس .. اوعى الدنيا تضحك عليك وتناسبك الاخره دار الخلود .. اوعى الشيطان يخليك عايش .. زى الطور فى الساقيه تلف وتلف لحد ما عمرك يخلص .. وتقابل وجه كريم وانت مفلس صلاه وذكاه وصدقه وبر الأهل وحسن الخلق وقلب سليم .. اصلح ما بينك وبين ربك يصلح ما بينك وبين الناس ...
ورق وقلم وعيد كل حساباتك علشان تكون جاهز للسنه الجديدة بفكر جديد ورؤية جديده
حاول وجاهد تبقي إنسان افضل 💙
أنت تقرأ
خفايا الروح. (مجهول)
Misterio / Suspensoمرحبًا يارفاق جميعًا، ثم تبًا لكِ أنتِ فقط، وبعد ... قبل عام من الآن تمامًا، حاولت أن أكتب نصًا يصفُ فاجِعتُكَ التي ألحقتها بي في بضعة ايام، و كيف أستطعتَ أن تُقلّصِ مكانتكَ في قلبي تدريجيًا، لكن للأسف لم أستطع!! حاولت خلق كل الأجواء الملائمة ل...
