حقيقة مظلمة🖤(روايات ليبية)

#2

#حقيقة_مظلمة🖤
بقلم خديجة رمضان (دوجي رمضان)🖤
الحلقة التانية (2)🖤
.
.
غصون مقعمزة تتفرج ع التلفزيون هيا ورنا في الصالة ومنسجمين؛
رنا بصوت واطي ... درتي يلي قتلك عليه؟
غصون شبحتلها ع جنب ... شنو يلي قلتي عليه؟
رنا ... الحظر!
غصون قلبها دق بخوف وهزت برأسها بمعنى ايه؛
رنا ... متأكدة غصون؟؟ ، راه لو ماحظرتيشي ح نقول لماما وهيا تتصرف معاك
غصون عيونها دمعوا وشبحت لأختها بقهرة ... علاش؟ ، به ممكن نحبه أني ماصدقت فرصة💔
رنا ... ماتحبيشي ولا يمكن تحبيه فاهمة ، احظريه احسن ليك وأنتي عارفة لو ماما عرفت وخاصةً انه هادا عمر المنتف ماعنده شي ح تنهي وجودك!
غصون بترجي ... ماتقوليش لماما اني نحكي معاه🥺💔
رنا مسكت جهاز التلفزيون ... مش رح نقول طبعآ مدامك حظرتيه ، بس لو عرفت انك مش حاظراته وتكذبي عليا ح نقول لماما وهيا تتفهم معاك
غصون قعدت تشوف لأختها بخوف ورجعت شافت لتلفزيون وهيا مقهورة🔥

~~~~~~~~~~~~~~~~

فـي الـشـقـة🖤

مازن شرب المشروب في مرة وحدة وشبح لِ غسان ... ح نستقروا في ألمانيا؟
غسان ... ع حسب الجو
مازن ... أني خلاص نبي مكان نستقر فيه مش حالة هادي قاعد زي الأنسان القديم نتنقل من مكان لأخر
غسان نسند ع الصالون ... باهي كان استقرينا والشغل يلي بنبدو فيه؟
مازن ... في شركة هني في ليبيا عندها فروع في المانيا ووين ماتحب ، شن رأيك نتواصل معاها!؟
غسان ... تمامم شوفها ومدابيك تحصل الرد بكري
مازن ... اي تمامم
غسان اشرله بحواجبه ع الجهاز ... مدلي
مازن مدهوله وغسان شغل التلفزيون وبدي يتفرج؛

~~~~~~~~~~~~~~~~~

بسمة بصدمة وعيونها معبية دموع ... أنت عارف روحك شن تقول؟؟ ، غسان ولديي ونبيه معاي عييت من كتر بعده علينا والله عيييت😭💔
رياض يتكلم وهو سارح ... البعد افضل من هلبااا خيارات!
بسمة قعمزت جنبه ودموعها ينزلوا ... رياض بالله عليك وقفه ماتخليشي يسافر والله نمووت أني بعدين ، ع الأقل لما كان هني حتى لو يسكن بروحه لكن المهم قريب مني نقدر نشوفه امتى مانبي وقفه ريااض بالله💔
رياض شبحلها ... تبي يعرف أنك أنتي م....
بسمة قاطعاته بسرعة وخوف ... لااا لاا مانبيش ومستحيل أصلا!
رياض ... خلاص أمالا خليه يمشي وأنتي سافريله أمتى ماتبي
بسمة بأنهيار وبكي وصوت متقطع ... لك للكن تووجعع ياريااض والله تووجع😭😭💔
رياض حضنها ... خلاص بسمة اهديي
بسمة لفت يديها عليه وكملت بكاها💔

👑🔥 . . . . . . رِوآياّت . . . . . . 🔥👑
👑🔥 . . . . . . خديجة رَمضَان . . . . . . 🔥👑

ترن ترن ترن⁦☎️⁩

غصون نقزت بخوف وخدت تلفونها بسرعة وبفزع😣؟
رنا ضيقة عيونها بشك ... خيرك مخلوعة منو يتصل؟
غصون ... تامي بتجيني أكيد
رنا ... اممم به ردي عليها
غصون سكرت التلفون وناضت ... شرينت وسكرت يعني بتجي
رنا قعدت اتبع فيها بعيونها لين اختفت من نظرها؛😑