﴿ وماتوفيقي إلا بالله عليه توكلت واليه أنيب ﴾❤️
﴿ ألا بذكر الله تطمئن القلوب ﴾❤️
.
.
#حقيقة_مظلمة
بقلم خديجة رمضان (دوجي رمضان)❤️
الحلقة السادسة وعشرون (26)❤️
.
.
طق طق طق 🚪
زينة طلعت تجري فتحت الباب وهيا تبكي؛
غسان بصدمة ... خيرك شن فيي؟
زينة ... بابا الحقق عليه ماندريش عليهه خيره😭
غسان دفها وخش يجري وهوا يقول ... وينه؟
زينة لحقاته وتبكي بالعبرة ... في غرفته
غسان ركب فوق وخش للغرفة وهوا يشوف للسرير ، رياض كان ممدود ع السرير وضاغط ع سنونه ويأن بألم كان باين عليه التعب💔
غسان قرب منه وهوا يرعش مع بعضه ماعمراش شاف بوه بالحالة هادي ... خيرك يابوي شن تحس
رياض خدي نفس كبير ... الم مش عارف وين جسمي كله
غسان بعد عليه الغطا ... تمام تمام ماصار شي بأذن الله تكون كويس نوض نرفعك للمستشفى شكلك مستبرد اكيد من المكيف
رياض شاف لِ غسان وعيونه مدمعة قال بصوت تاعب ... تؤ مش مستبرد من المكيف ، أنا مريض ياولدي
غسان عقد حواجبه بأستغراب ... مريض اي عارف أنك مريض نوض معاي للمستشفى رح تبدأ كويس
رياض هز برأسه بمعنى لا ... أنا مريض بالورم وفي المراحل الاخيرة لا يفيده مستشفى لا علاج 💔
والكلمة هادي طاحت في وذن بسمة يلي كانت جاية تجري بخوف بعد اتصال زينة يلي رعشها💔 خشت تجري وهيا مصدومة ... ورم شنوووو؟
غسان شبح لـِ أمه وهوا قاعد في حالة صدمة!؟
بسمة دفت غسان ومسكت يدين رياض ... تبصر ولا؟؟ شنفيي؟؟ شن تقووول احككييي!!
رياض نزلت دمعته وهوا يتألم ... ياريتني نبصر 💔 ماتبكوش لا تزعلو سبب كل شي هوا أني أنا يلي فرقت ام عن ولدها 💔
انا يلي يتمت طفلين وقت..لت بوهم انا يلي نصبت ع كم واحد عشان نبني شركتي💔 وفي النهاية خسرررت........خسررت كل شي..........كرامتي وصحتي وشركتي وفلوسي وسمعتي كللل شييي
بسمة تشوفله وتبكي 💔
حسن كان واقف جنب زينة وهوا يسمع في اعترافات بوه💔
رياض مد يده لِ غسان ... تعالى ياولدي
غسان قرب منه والدموع في عيونه!
رياض مسك يده ... افتح الدرج الدرج الأول يلي وراك (غسان لف وقرب عشان يشوف الدرج فتحه ولقي اوراق ، تكلم رياض وهوا يقول ... جيب كل يلي في الدرج
غسان قامهم وحطهم جنبه كانو اوراق هلبا وبيرو ، خدي رياض الوراق بعد ماحاول يقعمز مسك البيرو بيده يلي ترعش وكلهم يراقبو فيه وقع ع كل الورق يلي قدامه وشبح لِ غسان وقال ... تعالى وقع ع الورقتين هادو
غسان عقد حواجبه بأستغراب ... ورق شنو؟
رياض بدي يكح بقوة وهرب عليه النفس ، قرب منه بسرعة غسان عطاه ميه وهوا خايف ، شرب من الميه وهدي شوية وبدي يلهث ويلقط في انفاسه الاخيرة ... وقع ع وراق الشركة أنت يلي رح تقدر ترجع الشركة زي ماكانت ، أنت ياولدي أنا عارفك ترفع الرأس ( خدي غسان الوراق ووقع عليهم بتردد وشبحله لقاه رجع يكح تاني وبقوة اكتر من المرة يلي قبلها ، قام غسان الطاسة وكيف جي بيشربه لقي عيونه تشنقو فوق 💔
بسمة بعدت وهيا ترجف مع بعضها ... لاا لا مستحيلل مستحييل
زينة حطت يدها ع فمها ودموعها ينزلوا ورا بعض ، حست بحد حضنها وكان حسن حتى هوا يبكي بصمت وشهقات عالية💔
غسان نزلت دمعته مسحها وغمضله عيونه بيده ووقف وهوا يقول ... الله يرحمك ويسامحك💔✨
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
