﴿ ألا بذكر الله تطمئن القلوب ﴾
تفاعلوا لطفاً❤️
.
#حقيقة_مظلمة🖤
بقلم خديجة رمضان (دوجي رمضان)🖤
الحلقة العاشرة (10)
.
.
فتحت الباب ونصدمت من حسن قامت البرنوص فوق شعرها وهيا تقول ... تفضل من تبي؟
حسن ... حور موجودة؟
بلقيس لما قال حور خافت وزادت تأكدت لما رجعت شبحتله عرفاته حسن قالت ... لا مش موجودة . وكيف جاية بتسكر الباب دفه حسن وخش وهيا عيطت ووخرت؛
حسن خش ... حووور حووور عارفك الدااخل
بلقيس مشت تجري خدت المزهرية وهوا تلفتلها خبطاته ع رأسه 💥
حسن شد رأسه وقعد يتألم ... اااه
بلقيس حطت يدها ع فمها بصدمة ودموعها بدو ينزلو 💔
حسن قام رأسه وشبحلها والدم يسيل من رأسه ... توا مايصيرش نقتلك اهني فالذلك احفظي وجهي كويس .قرب منها دفها وطلع وهوا شاد رأسه؛
بلقيس طاحت ع الأرض منهارة💔
~~~~~~~~~~~~~~~~~~~
الساعة 4:00 مساءً🖤
نفتح باب الحجرة وخش رجب وكان واضح ع ملامحه التعب ... السلام عليكم
غصون ردت ... وعليكم السلام
رجب سكر الباب وقرب باسها ع رأسها ... كيف حالك توا
غصون أبتسمت ... الحمدلله كويسة كيف حالك أنت ، علاش هكي وجهك باين عليك تاعب
رجب ابتسم بتعب وطبطب ع يدها ... أنا كويس مدامك أنتِ كويسة وبخير .مرر نظره في الحجرة ... وين غسان؟
غصون ... كان هني قبل شوية بس شكله مشي للحمام
رجب هز برأسه بمعنى تمام وغمض عيونه ومسك عظمة انفه؛
غصون ... بابا قتلك
رجب شبحلها ... امم
غصون ... نبي نروح خلاص أني حالي كويس هلبا
رجب ... حاضر يجي الدكتور يشوفك بس وبعدين ساهل
طق طق طق 🚪
رجب تلفت للباب ... تفضل
د. وسيم خش ... السلام عليكم
رجب ابتسم وناض وقف ... وعليكم السلام اهلين دكتور
د. وسيم قرب منهم ... شو اخباركم الباين انو حالة الأنسه اليوم احسن بكتيرر
غصون تكلمت قبل بوها ... اي يادكتور أني كويسة والله كويسة
د. وسيم ابتسم ... اي عشان هيك كتبت لحضرتك خروج اليوم
غصون أبتسمت بفرح❤️
رجب ... تمامم الحمدلله بارك الله فيك يادكتور
د. وسيم ... فيك بارك الله وان شاء الله ألف سلامة عليكم سلام
رجب ابتسم وقال لِ غصون ... هي اهو خديتي خروج الحمدلله❤️
غصون أبتسمت ... الحمدلله
رجب ... خلاص أمالا من غدوا نحكي مع جابر يجي ياخدك
غصون بصدمة ... لا بابا مانبيش نروح 🥺💔
رجب ... وقرايتك؟
غصون ... عادي مازال سنة نكملها حتى هني
رجب ... لالا مايصيرش تكمليها هني
غصون ... باهي نوقف قيدي
رجب ... متأكدة؟
غصون ... اها متأكدة نبي نقعد معاك هني مش هاين عليا نخليك بروحك
رجب ... خلاص براحتك❤️
غسان خش للحجرة ... السلام عليكم
رجب ابتسم ... وعليكم السلام
غسان خش سلم ع رجب وقعد واقف؛
رجب ... سامحنا ع تعبك وبارك الله فيك وقفتك مستحيل تنتسى❤️
غسان ابتسم ... فيك بارك الله ياعمي هادا واجبي .وشبح لِ غصون؛
رجب تنهد وقال ... قولي خالي
غسان شبحله!؟
رجب بأبتسامة ... قولي خالي رجب
غسان ابتسم بأستغراب وقال ... حاضر ياخالي رجب
غصون تشبحلهم وتبتسم❤️
رجب ناض وقف ... خل نمشي نتم اجراءات الخروج
غسان ابتسم وهز رأسه بمعنى تمام ورجب طلع؛
غصون تنهدت وقالت ... شكرآ هلبا ع وقفتك معانا
غسان شبحلها؛
غصون رفعت حاجبها وابتسمت ... شكر بابا مش زي الشكر مني أني ولا؟
غسان ابتسم وقال ... صح
غصون ... خلاص امالا
غسان مرر يده ع شعره وشبحلها وقال ... فرحتي لأنك بتروحي؟
غصون ... اكيدد ملييت من المستشفى وريحتها😣
غسان قعد يشبحلها وساكت؛
غصون ضيقت عيونها وقالت بتساؤل ... أنت كلمت الدكتور؟
غسان ميل رأسه وابتسم ع جنب ... شنو رأيك؟
غصون شبحت ابتسامته والطريقة يلي ميل بيها رأسه تلخبطت وسرحت فيه✨❤️
رجب خش ... كملت الأجراءات وقالو خلاص كان بتطلعو اطلعو
غصون فاقت ع صوت بوها نزلت عيونها وهيا ساكتة؛
غسان شبح لِ رجب ... تمامم مليح بكل
رجب ... ايي غسان خلاص تقدر تروح وترتاح وسامحنا هلبااا علِ تعبك
غسان ... عاد خلاص ياعم...ياخالي...خالي رجب قصدي احني اهل وهادا الشي بسيط هلباا اني مادرت شي
رجب ابتسمله❤️
غصون تشوف لِ غسان وتراقب فيه كيف يتكلم وكيف يبتسم كان مميز هلباا❤️
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
