حقيقة مظلمة🖤(روايات ليبية)

#17

صحهه فطوركم⁦❤️⁩
.
﴿ وماتوفيقي إلا بالله عليه توكلت واليه أنيب ﴾⁦❤️⁩
﴿ ألا بذكر الله تطمئن القلوب ﴾⁦❤️⁩
.
.
#حقيقة_مظلمة
بقلم خديجة رمضان (دوجي رمضان)⁦❤️⁩
الحلقة السابعة عشر (17)⁦❤️⁩
.
.
صباح يوم جديد⁦🌤️⁩⁦🌤️⁩

في السيارة 🖤
(اب فاطمة) ... توا من صبح ربي مدايرة هجوم ع الناس من قالك نايضين اصلا؟
فاطمة (صاحبة غصون طلعت في الحلقات الأولى اكيدة عرفتوها؟ المهم نرجعو لروايتنا) ... نقولك كلمتها يابابا كم مرة بنقولك والله كلمتها وقالتلي مرحبتييين بالبنط العريض
(اب فاطمة) ... ياوديي أن شاء الله خير وخلاص
فاطمة طلعت الروج ادير منه ... خير خير
(اب فاطمة) شبحلها ع جنب ... شن اللبز هاداا؟
فاطمة ... عادي يابابا أني بنقعد في الحوش بس وشن فيها اكيدة هيا جايبة ماركات معاها من السفر وأني نمشي بوجهي زي الهجالة يلي في العدة
(اي فاطمة) ... ضمي فمك وسكري الخرا خير ماناخد نكسره
فاطمة سكراته وقالت ... الصبررر!

3≥ ...... 3≥ ...... 3≥ ...... 3≥

غصون حطت الكيكة في الكوشة ... الله قداش ليا ماخشيتش الكوجينة ماكلتنا كلها من برا في المانيا
رنا ... يناريي عليااا اربعة وعشرين ساعة في الكوجينة زي غسالة الماعين ، يلي مابي حد يشريها لينا
رجاء ... تلقي روحك كله تو تكبري تلقيه ماتحتاجي حد بعدين ، محلاها الفلاحة وخاصةً البنيات لما يبدو فالحات
غصون ... عيشي بايرة تموتي بصحتك😂
رنا ضحكت ... ايووااا عليك نوور😂
رجاء ... تحشمي إنتي وياها تحشمي كبار راكم
غصون تلفتت للكوشة وهيا تحاول تكتم ضحكتها ، ورنا طلعت من المطبخ ونفجرت بالضحك؛
رجاء ... باهي باهي ياخايبة خزيي
طق طق 🚪
غصون نقزت ... حي شكلها تامي .وطلعت تجري؛
رجاء بتدمر ... توا بنوحل فيها هادي أني؟؟ والله ماني ماستها (تنادي بصوت عالي) ... رناااااا زودييي كملييي عقاب الكيكة

غصون فتحت الباب وفاطمة تلوحت في حضنها طول⁦♥️⁩
غصون وهيا حاضنتها ... ياقلبيي انييي استحشتكك موووت😭😭😭⁦♥️⁩⁦♥️⁩
فاطمة ... ياعمررريي حتى أني استحشتكك هلبااااا هلبات والله 😭😭⁦♥️
غصون بعدت من عليها ... خشي خشي نورتي ياقلبي⁦♥️⁩

~~~~~~~~~~~~~~~~~~~

غسان مقعمز في المربوعة الداخلية وجنبه امه⁦؛
بسمة وهيا تبكي ... درت كل جهدي باش مانخسركش ربيتك وحبيتك اكتر من صغاري يلي جايبتهم ويشهد عليا ربي مافي يوم فرقت بيناتكم ولا كرهتك كنت ديما متعلقة فيك لأنك أنت أول طفل نمسكه ونربيه ونهتم بيه كان وقتها عمرك شهور بس كنت صغيرر هلباا أول مرة حسيت بشفقة اتجاهك بس بعدين سبحان الله حبيتك بصدق كنت متفقة أنا ورياض أنه أول ماتبدأ تقرأ في المدرسة نسفروك لِ المانيا وتتعود ع نفسك بروحك ومنه نبعدوك ع حور ومكرها💔
بس أنا مارضيتش خفت يصيرلك شي في الغربة وإنت صغير 💔حاولت مع رياض لين وافق وخليناك للمرحلة الثانوية لو كنت تذكر قداش مابكيت ونحرقت يوم سافرت ، أنت ولدي أني مش ولد حور ، أنا يلي ربيتك وحبيتك وخفت عليك اما هياا شنووو قولي شنووو؟
غسان وهوا عيونه معبية دموع قال ... هيا امي ، كنت ديما نتسأل ليش أنا الوحيد من بين خوتي بوي مش متهم بيا حتى كان يضحك في وجه حسن وانا لا كان ديما موضح كرها ليا 💔 (ضحك وقال) ومع هادا كله أنه قاعد مافهمتش القصة ممكن حد يفهمني بوضوح
رياض ... لاكرهتك لا شي في النهاية أنت ولدي ، وأنا نفهمك كل شي!
أنا لما كنت متزوج حور كان زواجنا زواج تقليدي وعادي جداً ، بس أول ماحملت بيك بدو يصيرو الخلافات بينا ومعاش تفاهمنا في شي ابداً كنا ديما عكس بعض في جميع القرارات ولما خلاص وصلت معانا حدها هيا طلبت الطلاق وانا وافقت أنه نطلقها بس بشرط الولد نربيه أنا وهيا وافقت لو ولد نربيه اني ولو بنت تربيها هيا؛
خلاص اتفقنا هكي بس لما هيا جاباتك قالتلي هادا مش ولدك
غسان عقد حواجبه!
رياض كمل وهوا يقول ... قالت الولد ولد علي يلي يكون حبيبها السابق ، ولما أني شكيت في الموضوع خطفتك ودرنا تحاليل DAN وطلعت رسمي ولدي وأني هكي خلاص قررت معاش نخليها تحلم تشوفك ف ربيتك بعيد عليها عشان ماترجعش في اي لحظة وتكذب عليك , وهددتها أنها لو رجعت طالبت بيك تاني رح نفضحه ونشرشحه في المحاكم وهيا هكي خافت ومعاش قربت من عيلتي ابداً بس توا رجعت من جديد ومش ناوية الخير؛
غسان حاول يتماسك ومايبكيش رشف وقال ... وين هيا توا؟
رياض ... مش معروف ومانبيكش تتواصل معاها ابداً
غسان ناض وقف ... زي ماكدبتو عليا كل هالسنين ومصارحتونيش بالحقيقة يعني مرات حتى توا تكدبو عليا شن يلي يخليني نوثق فيكم
رياض ... ماحد كدب عليك إلا لمصلحتك
غسان ضحك بهزوة وطلع من المربوعة؛
بسمة نهارت بالبكي؛
وزينة مقعمزة في زاوية الغرفة وتشوفلهم بنظرات باردة؛
وحسن ناض لحق خوه ، طلع وراه يجري ... غسااان وقف شوية
غسان تلفتله ... خلاص خلوني بروحي شوية
حسن ... بس...
غسان قاطعه وهوا يوخر ويقول بهدوء ... خلاص (وركب في سيارته وطلع).
حسن قعد يشوفله لين اختفت السيارة من قدامه!؛