#حقيقة_مظلمة🖤
بقلم خديجة رمضان (دوجي رمضان)🖤
الحلقة الرابعة (4)🖤
.
.
الساعة 3:30 ظهراً🖤
تحديداً في المستشفى 🖤
غصون فتحت عيونها وهيا حاسة بثقل كبير في رأسها تكلمت بصوت متألم ... امم بابا
رجب شبحلها وقرب منها يجري مسك يدها ... عيون بابا فقتي ياروحي . باس يدها ... خوفتيني عليك ياقلبي❤️
غصون ابتسمت بتعب وضغطت ع يد بوها وتكلمت بصوت تاعب ... أنا كويسة ماتخافش
رجب باسها ع رأسها ... الحمدلله مش حاسة بشي؟
غصون بملامح متألمة ... مش قادرة نحرك رأسي نحس فيه كبير
رجب تنهد بألم ... انشالله خير يابابا اليوم بترتاحي في المستشفى وغدوا من المستشفى لطيارة طول وهكي نطمنو عليك
غصون مررت عيونها في الغرفة وشبحت لِ بوها ... ماما وين هيا ورنا؟
رجب ... برا الدكتور قال ممنوع تخشوا التلاثة مع بعضكم قبل ماتصحي مشي خشيت اني بس
غصون ... خليهم يخشوا أصلا أني غدوا بنسافر رح نستاحشهم🥺💔
رجب ... حاضر ، وهوا ماكملش كلامه والباب نفتح خش منه جابر مخلوع!
جابر قرب بخوف ... غصون نضتي؟ شن صارلك؟ خيرها يابابا؟
رجب ... دوخة رجعتلها زي قبل بأذن الله غدوا السفرة بس خليها تريح اليوم في المستشفى وغدوا ساهل
جابر أبتسم بألم وقرب شفشفلها شعرها ... معاش تعاوديها وتخوفينا عليك
غصون أبتسمت بحب وزادت ابتسامتها أكتر لما خشت أمها ورنا وهما باين عليهم باكيين قربوا يحضنوا فيها ويبكو كأنه ليهم سنين مش شايفينها✨❤️
~~~~~~~~~~~~~~~~
زينة تتكلم وطربق في صوابعها بتوتر ... هداكا اليوم ممكن اولامس سمعت شي يصدم
ريم تبرد في اظافرها ... امم شن سمعتي؟
زينة سكتت شوية بعدين خدت نفس ... ماما قالت لبابا لو عرف ...وسكتت
ريم قامت عيونها من ع اظافرها ... منو؟
زينة بصوت يرعش ... حح حسن💔
حسن فايت من قدام الغرفة سمع أسمه وقف يسمع؛✨
ريم بأستغراب ... خيره حسن شنو بيعرف؟
زينة ... أنه...ونفتح الباب وخشت امهم وهيا تقول ... ياقهرتي منكم يابايرات نوضوا خوكم جاي متعشي عندنا بسرعة أنتي وياها
ريم استغربت بس زينة ماأستغربتش لأنها كانت عارفة كل شي....كل شي....بالرغم صغر سنها بس هيا واعية وعقلها اكبر منها✨🔥
👑🔥 . . . . . . رِوآياّت . . . . . . 🔥👑
👑🔥 . . . . . . خديجة رَمضَان . . . . . . 🔥👑
طق طق طق 🚪
ريم ناضت تجري ... هادا اكيد غسان . فتحت الباب نصدمت من المرأة لأول مرة تشوفها قعدت تشبحلها ثواني وهيا مش فاهمة شي؟
حسن طلع من وراها ... اهوو خالتي حور شرفتي تفضلي تفضلي . دف ريم وشوشلها بهدوء ... بعدي
ريم بعدت وهيا مصدومة ومستغربة منو تكون هادي؛
حور سلمت عليهم وخشت هيا وحسن؛
ريم سكرت الباب ولحقتهم وهيا مستغربة!؟
حسن خش مبتسم ... شوفو منو نورنا خشي خالتي خشي الحوش حوشك❤️
رياض ناض وقف من صدمته ، وبسمة بدت ترعش مع بعضها وهيا مصدومة من شوفتها شبحت لحسن بأستغراب وصدمة!؟
حسن بإبتسامة ... كنت بنقوللكم بس حبيت نديرهالكم مفاجأة . وابتسم بطريقة غريبة وهوا يقول ... وتردوا الأيامات القديمة متع زمان؟✨
بسمة طيحت طاسة العصير يلي في يدها وعيونها معبيات دموع!
كلهم شبحولها وهما مستغربين من منظرها؛
رياض حاول يخفف من التوتر يلي صار وابتسم وقدم يسلم ... اهلا وسهلا بيك ياحور والله خير مادرت ياحسن . وشبح لِ بسمة وهوا يترجى فيها بعيونه تقرب تسلم قعدت واقفة مشوار تشوفلهم لين وأخيراً قربت وسلمت عليها وهيا تشوفلها بنظرات حقد كانت واضحة لِ حسن يلي يحاول يدقق بنظراته ويفهم الكهربة يلي بينهم!؟
ترن ترن؛
حسن شبح لـِ تلفونه وقال ... عن أذنكم ، وطلع من الصالة؛
حور قربت قعمزت ع الصالون ومررت نظرها ع زينة وريم يلي واقفين جنب بعض وهما مش فاهمين شي ابتسمتلهم ... مني فيكم زينة ومن فيكم ريم؟
ريم ابتسمت ... انا ريم
حور ... مشالله مشالله كبرتي وبديتي . شبحت لِ بسمة وهيا مبتسمة بأستفزاز ... جميلة زي امك
زينة تشبحلها بملامح جامدة وع الأغلب ملامح الكره!
حور شافت لِ زينة ... يعني أنتي زينة؟
زينة شبحتلها من فوق للوطة ... مدامها هيا ريم شي اكيد أني بنكون زينة!؟
حور ضحكت وهيا متفاجئة وتقول في خاطرها "ياوالله حال وحدة واخدة النقش من أمها والتانية اللسان الله يبارك عليكم!"
حسن خش وهوا يمرر في نظره ع الموجودين ... العشي جاهز ولا؟
زينة ... اي جاهز بس بنستنوا غسان
حسن ... مش رح يجي
كلهم شبحوله بصدمة!؟
بسمة ... كيف مش رح يجي أنت من قالك؟
حسن ... توا اتصل بيا وقال جدة مازن تاعبة وفي المستشفى بيمشي يزورها وبس
بسمة نزلت دمعتها ... امالا تعشوا بروحكم العشي بصحة عليكم . ومشت وهيا مضايقة ودموعها خط مش سادها انها رجعت لنفس الكابوس يلي كانت خايفة منه كل هالسنين وتوا يزيد ببعد ولدها يلي مستاحشته قد الدنيا💔
حسن ... احمم هيا زينة ، هيا ريم . وشبح لِ بوه ... بابا
رياض ابتسم بتصنع ... تمام هي تفضلوا
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
