﴿ ألا بذكر الله تطمئن القلوب ﴾❤️
﴿ وماتوفيقي إلا بالله عليه توكلت واليه أنيب ﴾❤️
.
#حقيقة_مظلمة🖤
بقلم خديجة رمضان (دوجي رمضان)🖤
الحلقة التالثة عشر (13)🖤
.
.
فتحت الباب وخشت وهيا مبتسمة بس بسرعة ماأختفت ابتسامتها لما شافت بوها راقد ع الصالون!؟
قعدت تشوفله مصدومة لفترة طويلة ، وبعدين مشت خشت لغرفتها وهيا خايفة 💔
يعني بوها عرف انها كانت برا البيت ولِ الساعة 11:30 برا!؟
غيرت ملابسها بسرعة لتوتة سودة ومسحت المكياج وطلعت للصالة قربت من بوها بهدوء وفيقاته!
رجب ناض مخلوع شبحلها وقعد يشبح لِ لبسها؛
غصون تشبح لوطة وتتكلم بخوف ... بابا م.....
رجب قاطعها ... أنا روحت وماحبيتش انوضك خيرك نضتي؟
غصون شبحتله بتفاجئ ... ااء أمتى روحت توا؟
رجب ... اي قبل شوية
غصون هزت رأسها بتوتر وابتسمت ... ماحسيتش بيك ، تمام خش ارقد في الغرفة تصبح ع خير🤍
رجب ابتسم ... تلاقي الخير
غصون مشت بسرعة خشت لغرفتها وهيا متوترة ، قاطع توترها صوت تلفونها يلي يدل ع وصول رسالة فتحاته لقتها من رقم غريب :- خالي رجب في الشقة؟
وبعدها وصلتها :- نتصل؟
غصون ردت :- اي في الشقة وماحس بي شي اطمن ، ليلتك سعيدة .وسكرت التلفون ورقدت ع السرير بتعب!🖤
👑🔥 . . . . . . رِوآياّت . . . . . . 🔥👑
👑🔥 . . . . . . خديجة رَمضَان . . . . . . 🔥👑
صباح يوم جديد 🌤️🌤️
.
زينة تربط في سبيدروها قدام الباب ... أمي أنا مشيت
بسمة من المطبخ ... باهي ردي بالك في الطريق
زينة وقفت ع حيلها ... تمامم . وطلعت مسرعة من البيت فتحت الباب لقت أحمد (يلي هوا جارهم الجديد احفظوا اسمه من الشخصيات المهمة في الرواية)كيف طالع من حوشه؛🤍
زينة قعدت تشبحله ،وهوا شبحلها ابتسملها وهيا ردتله الأبتسامة بخجل ومشت وهيا حاسة بقلبها يرقص فرح🤍
~~~~~~~~~~~~~~~~~~~~
غصون طلعت لصالة لقت بوها يفطر ومجهز الفطور🤍 ... صباح الخير
رجب شبحلها وابتسم ... صباح الورد تعالي افطري بسرعة ورانا مشوار
غصون قربت قعمزت وهيا تسأل ... وين؟
رجب ... لازم تمشي مراجعة تكشفي ع جرحك
غصون تلمست الشاش لي فوق رأسها ... اها
رجب لبس جاكيته تبع الزي الرسمي ... بعدين تلقيني في السيارة افطري وتعالي
غصون هزت رأسها بمعنى تمام وبدت في فطورها🤍
~~~~~~~~~~~~~~~~~~~~
ع سفرة الفطور في شقة مازن وغسان🤍
.
مازن شرب من الميه وقال ... أمس روحت متأخر ومالحقتش نسألك وين كنت أنت وغصون الوقت هادا كله؟
غسان شبحله ... وإنت علاش تسأل؟
مازن ... خايف عليك.... واكيد كَـ اي أخ أو بست فريند بيخاف صح ولا غلط؟
غسان رجع ياكل ... اطمن مشينا للملاهي وبس
مازن ... به حاول تنقص من طلعاتكم مع بعض شوية
غسان رفع حاجبه اليسار؟
مازن ... أني قاعد نشوف فيك كل يوم تزيد تحبها اكتر وخايف هيا متبادلكش الشعور
غسان حس قلبه وجعه لما قاله "وخايف هيا متبادلكش الشعور 💔"
مازن كمل حديثه وهوا يقول ... غسان أنا نعرفك من لما كنا صغار... خوي وصاحبي وكل عيلتي ، احني الزوز ماليناش غير بعضنا واني مش مستعد نشوفك مكسور أو موجوع
غسان ابتسم بوجع ... ماتخافش أنا عارف روحي شن ندير كويس
مازن يشوفله وساكت؛
غسان ناض ... الحمدلله
مازن قعد يتبع فيه بعيونه لين اختفى عليه لما خش للحمام ، تنهد بألم وناض حتى هوا!
أنت تقرأ
حقيقة مظلمة🖤(روايات ليبية)
Randomرواية جديدة جميلهه هلباا اقروها وادعموني ، خامس روايةة ليا🤎. لا أسمح بسرقة احداث رواياتي ولا اسمائهم!.🚫.
