حقيقة مظلمة🖤(روايات ليبية)

#5

أذكروا الله 🍂⁦❤️⁩
﴾ ألا بذكر الله تطمئن القلوب ﴿🍂⁦❤️⁩
تفاعلوا لطفاً ، قرأة ممتعة⁦❤️
.
#حقيقة_مظلمة🖤
بقلم خديجة رمضان (دوجي رمضان)🖤
الحلقة الخامسة (5)🖤
.
.
واقلعت الطيارة من مطار طرابلس الساعة 8:30 صباحاً 🖤
وهبطت في مطار برلين عاصمة المانيا الساعة 1:00 مساءً 🖤بتوقيت ليبيا طبعآ
وفي السيارة كانت غصون تتفرج ع الشوارع والمحلات والسيارات والناس بكل حب وكان واضح انه نفسيتها حلوة⁦❤️⁩
رجب قرصها من خدها ... شن جو؟
غصون أبتسمت بحب ... الباين حلو
رجب ... تو بعدين نطلعوا نديرو دورة ونعرفك ع برلين كلها
غصون بتفاجئ ... الله؟
رجب شبحلها بعقدة حواجب ... شنو الله أني أمتى كدبت عليك؟
غصون ... حشاك من الكدب اني قصدي الدكتور؟
رجب ... غدوا موعدنا بأذن الله
غصون ... اها . ورجعت تتفرج من المرش بعدين قالت بتساؤل ... الناس الليبين يلي بكري في المطار بيسكنوا معانا؟
رجب ... في نفس السكن اي
غصون ... امم مش معاكم بنات؟
رجب ... معانا زوز عايشين في المانيا هدوكا رسمي يعني مش ح يكونو معانا في السكن
غصون بدهشة ... كيف معاكم بنات خدمتهم شن بتكون يعني؟
رجب ... وحدة سكرتيرة والتانية في الريسبشن
غصون ... اممم مش يعني مش رح تحتكو بيهم هلبا
رجب ... اي يعني ، وأنتي علاش القصقصة؟
غصون ... قصقصة شني أنت بوي ومن حقي نغار عليك تحساب كان ماما مش هني يعني خلاص
رجب ضحك ... اسكتي وانتي لسانك هادا ما يقدر عليه حد
غصون ضحكت وهيا تقول ... امالا شني😌

~~~~~~~~~~~~~~~~~~~~

في غرفة رياض وحور🍂
واقفة زينة في الغرفة ماسكة في يدها صورة وهيا تقول ... هيا نفسها وربي ، افف بس من تكون هاديي ضروري نعرف . حطت الصورة في جيبها وطلعت بشوية من غير ماحد يحس بيها؛
تلاقت بـِ حسن طالع من غرفته نخلعت وحطت يدها ع قلبها ... خلعتني!
حسن برفعة حاجب ... شنو خلعتك حتى يلي يطلع من غرفته بدي يخلع
زينة بتوتر ... لا لل مش هكي كنت نحسابك طالع
حسن يشبحلها بشك؛
زينة مشت بسرعة خشت للغرفه وهيا خايفة 😣؛
حسن قعد سارح شوية وبعدين قال ... كل واحد في الحوش عنده سر وسر كبيررر هلبااا بس مش صعب عليا تو دور الأيامات ونعرف ، ولبس نظراته ونزل؛

~~~~~~~~~~~~~~~~

في المانيا 🍂🖤

وقفت السيارة قدام السكن ومد رجب المفتاح لي غصون ... انزلي اركبي لي الدور التاني ثالت شقة افتحيها وتو نجيك
غصون خدت المفتاح وركبت تتفرج ع السكن بأعجاب وقفت قدام الشقة وركبت المفتاح بس حساته مش مفتاحه قعدت تحاول تفتح ماقدرتش برمت برمت لين قريب كسرت المفتاح وهوا مباش يفتح بعدت شوية وهيا تتفحص فيه نفتح الباب في وجها طيحت المفتاح ووخرت مصدومة!؟
غصون بصدمة ... من أنت وشن دير هني
غسان يشبحلها مصدوم من شوفتها ومصدوم من دقات قلبه يلي قريب يطلع من مكانه⁦❤️⁩
غصون ... أنت
غسان ضحك ع جنب ... تي والله حال من فينا جاي لي تاني وتقوليلي من أنت وشن دير هني؟
غصون بربكة ... ماهو المفروض المفتاح هادا يكون مفتاح الشقة رقم 3
غسان قام المفتاح واتكى ع الباب ورفع حواجبه ونزلهم ... إنتي غالطة
غصون قعدت تشوفله وهيا تحاول تتذكر وين شايفاته!؟
غسان ... شنو مزال تبي تتأكدي تعالي اكسريه فيه المفتاح وخلاص
غصون شبحتله بضجر ولفت بتنزل سمعاته قال ... المفتاح!
لفتله وقربت وهيا تتأفف مدت يدها عشان تاخد المفتاح؛
غسان حط المفتاح في يدها وهوا يقول ... أني يلي مفروض نتأفف مش انتي عليك حال والله
غصون خداته ونزلت بسرعة من غير ماترد؛
غسان ابتسم ع جنب وخش وسكر الباب؛
مازن طلع من الغرفة وهوا يقول ... الشقة صغيرة من كتر صغرها لين صارلي ضيق في التنفس كيف بنعيشوا فيها النم
غسان قعمز ع الصالون وهوا سارح ومبتسم✨
مازن ضحك وقرب قعمز جنبه ... أنت خيرك تبتسم كيف وصلنا راه من شفت؟😉
غسان خفي ابتسامته وشبحله ع جنب ... نوض من جنبي
مازن ناض ... اي ماهو وينك ياهزيبة وينك يامصيبة وينك ياهم وينك يانهار احرررف تجي ع رأسي أني أما الضحكات والأبتسامات تعرف لي منو اطلعهم
غسان حدف عليه المخدة ... سكر فمك ع منو ترمي في الدوة انت؟
مازن رد حذفها عليه ... لي حضرت جنابك ، وخش للغرفة متكنطي؛
غسان ضحك وهز رأسه يمين ويسار؛