جاية ليكم وانا رقبتي قد السمسمة
المهم...
انا عايزة اقول الاول انا جه في بالي فكرة الكتابة ديه ازااي
انا من لما كنت صغيرة🤏🏻
كنت بحب اخد الكرتون الي بتفرج عليه و احرف في قصته و بعدها اكتبه
كان عندي 10 سنين وقتها تقريبا
انا لسة لحد دلوقتي معايا الورق الي انا كنت بكتبه من زماااااااان اوي
و طبعا كأي شخص خياله واسع كنت بحب أعمل daydreaming و اتخيل سيناريوهات في دماغي
اعدت سنين كتير اوي بعمل كده😂😂
في مرة تخيلت جيمين و هو بيرقص باليه مع بنت و بعدها ابتديت اتخيل سيناريوهات مُتفرقة عن الحوار ده
في نفس الوقت كنت بفكر في موضوع الكتابة ده اوي و فعلا كتبت اول فصلين و بعتهم لصاحبتي المُلقبة ب"يعجوب"
بس مقولتش ان انت الي كاتباهم و هي قالت رأيها و عجبها فقولت يلا نكمل كتابة و الي يحصل يحصل
مكنتش ناوية انشر الرواية بس انتهى بيا المطاف هنا معاكوا عادي جدا😂
كنت بكتب و ابعتلها و بصراحة كده اصلا الرواية ديه مكنتش هتبقي من بطولة يونجي
يونجي كان هيكون بطل تاني و حوارات كده
بس بصراحة يونجي صعب عليا اوي و مكنتش عايزة اعمله بطل تاني🙂
ف جه في بالي الرواية بالقصة الي انا نشرتها و بدأت اكبتها
و انا بكتب مكنتش عايزة اعمل رواية مفيهاش محتوى
يعني كنت عايزة القارئ يتأثر بمشاعر الرواية
و كنت عايزاه يستفيد حاجة بشكل عام
اتكلمت عن التفكك الاسري
تحكم الاهل بالأبناء
عوامل الطفولة السيئة على الإنسان و تأثيرها عليه
التحرش و احساس بعض البنات في أثنائه و بعده (ch.18)
الامل و السعي ورا احلامك
حاولت اوضحلكم انه مش عيب انك تعيط و لازم تقدر مشاعرك حتي لو انت بس الي حاسس بكُبر الموضوع
حاولت افتحلكم باب مع نفسكم في حوار الثقة بالنفس
اتمنى تكونوا استفدتوا بالحاجات ديه✨✨
انا بصراحة اتأثرت بالرواية ديه اوي لأني كنت بطلع فيها مشاعر كتير اوي و بديها حب كتير اوي
طلعت فيها الحاجات الي مدايقاني في حياتي و مشاكلي القديمة الي كانت اشبه بعقدة في حياتي
ليلي مكانتش مجرد شخصية انا اخترعتها...انا اخدت حاجات كتير فيا و حطيتها فيها
حاولت ابين شعورها لما كان بيحصل خناقات في البيت و بتحس انها السبب في كل ده عشان ببساطة ده بيحصل معايا
من سنة او سنتين تقريبا مكانش عندي شخص يواسيني و دايما كنت بختار الشخص الغلط و احكي عن الحاجة الي مدايقاني و طبعا بينتهي الموضوع بأن مشاكلي تافهة و متستحقش كل ده
ف من فترة طويلة بقيت بتخيل اشخاص و بحكيلهم عن الحاجات الي مدايقاني و طبعا انا مقولتش كده لحد قبل كده👍🏻
بقيت بحاول اقلل من الحوار ده عشان حاسة انه مأثر عليا
بس ستيل اني كنت برتاح لما بعمل كده 3>
حاولت اجسد الحوار ده في يونجي و ليلي في ان يونجي كان دايما بيواسيها و هي كمان كانت بتعمل كده برضو
جسدت الشخص المُستمع الي انا بتخيله في علاقتهم
بس طبعا دلوقتي بقي عندي صحاب بيسمعوني و عمرهم ما قللوا من مشاكلي ف حبيت اخلي الرواية ديه كمُواساة ليكم
فاهمين قصدي؟
انا عندي افكار روايات كتير اوي عايزة اعملها بعد الجزء التاني من رواية childhood dream
و في كذا رواية منهم افكارهم عجباني اكتر من ديه بكتير بس childhood dream هتفضل المفضلة بالنسبالي
عشان انا لما كنت ببقي مدايقة كنت بفتح اكمل كتابتها و حسيت ان ده فرق معايا كتير
شخصيات الرواية كلهم حسيت انهم عاملين شبه عيلة تانية بروح ليهم لما ببقى مدايقة
عالم تاني فيه دفى و حب و مشاعر نقية
ممكن تحسوا ان كلامي اوڤر او كده بس بجد ده احساسي ناحية الرواية
مش حاسة اني عمري هتخطاها عشان انا طلعت جزء كبير جدا مني و حطيته فيها
و اخيرا احب اقول ان انا اتبسط بتفاعلكم مع الرواية و شكرا علي آرائكم اللطيفة
و شكرا ليكم علي دعمي
و طبعا شكر خاااااص ليعجوب عشان هي اول داعمة للرواية و اول قارئة و شكرا جدا علي دعمك و حُبك🫶🏻🫶🏻🫶🏻
Roya2510 علي العموم يا جماعة هي ديه يعجوب روحوا اقرأوا challenge عشان جامدة جدا
ايوة انا بروج عيني عينك كده😂😂
تعديل:
انا نسيت اقولكم هنا ان انا نشرت الجزء التاني😭😭
تبا ليا
بس كده...كان معكم ريو✨✨✨
أنت تقرأ
Childhood Dream_1{✓}
عاطفية{مكتملة} الأمر كله بدأ بحلم طفولتها وانتتقالها إلى العاصمة كي تستطيع تحقيقه. تركت كل شيء خلفها، مكان منشئها وعائلتها ولكن لمدةٍ محددة . . قرب شفتيه من شفتاي ثم قال بهمس: «قوليها» «أنا أُحِبُّكْ» إن كان بيدينا لبقينا على نفس الوضع لبقية حياتنا، أن أك...
