بين التبلد والحنين

18

العنة مو شرط تكون فد حدث او مشكلة لا هذا تفسير خاطئ ممكن تكون العنة بشكل بشر؟!

بس مو اي بشر لااا الها اشروط والي لازم وضروري انها اتكون موجودة بهذا البشر

بشر ممتلئ بالسواد والحقد والكرة شيطان بس على هيئة بشر  لااا مو تعبير خاطئ بالعكس  والي كلته صح شكله بشر بس مابيه اي صفه من الي تميز البشرية

يمتلك عقل ابليس جنت اعتقد اني ببعدي اله وعن اخر موضوع صار ويانا راح يعتقني راح ينطيني حريتي اني ابتعد عنه

واني اعيش حزني وانا بعيده الم الضرب بعده بيه صح عافني بس مجنت متوقعه هاي المرة راح تنكلب حياتي انا اسيل

الي طول عمرها نكره تحت جناح هذا الشيطان وراح أبقى طول عمري انا نكره وبلا معنى اذا بقيت بهذا الضعف

الم فضيع وحزن مكبوت كل شيء راح كل شيء نهدم امي الي ماعرف شلون اعبر عن حبي لها وتعلقي بيها عافتني بيد وحش حاقد وحقير نرجسي مستبد ومتكبر

الم فضيع وانا اشوف نفسي عاجزة ومحتارة احير بوجع كلبي ولا بوجع اختي ولا بالحزن الي ملئ البيت

"امي" شكد حلوة هاي الكلمة وجنت انسى كل وجهي ووحدتي وقت اتذكر عندي ام بس هيه راحت من ايدي ذابت بين يوم وليلة

امي راحت امي الي تحبني امي الي كل متشوفني تمسح على خدي ودكلي "اسولتي " راحت

مرض خبيث يسلب اكبر انسان من بين اديك مرض اخذ من عندنا هواي ناس واولهم بابا وهسه امي راحت مني

اباع بوجوة الناس الي الحزن مبين عليهم ونصهم ممهتمين اشوف الاسود احتلني

رخوه بجسمي مو طبيعية اخذت نص حيلي اباع على فجر فاصلة عن العالم بطنها جبير وعيونها سود ثوبها مشكوك من صدره وصدرها مجرح حاضنتها خالتي وتهدي بيها بس هي لا

يمكن لان امي جانت حيل قريبة منها اسمع النسوان تبسبس ليش متبجي بنتها الصغيرة قصدهم علي اني.....

حتى اني اسأل هذا السؤال اني ليش مجاي ابجي على رغم من جاي احس روحي طتلع مني رجفه عجيبة ببلعومي اريد احجي بس تمنعني اريد اصرخ واكولها يمه ارجعيلي لا تعوفيني فدوة

احتاج فجر اريدها يمي بس اخاف اروح يمها اخاف تزعل لأن مجاي ابجي

اجت عفاف كومتني من باب الغرفة ورادت تصعدني فوك لأن خجلن مني لان مجاي ابجي بس دفعت ايدها ودخلت بغرفة ماما سديت الباب واتجهت الكنتور طلعت ثوبها حضنته وغبت عن هذا العالم وسرحت بعالم الحزن والالم وانا اتذكر صار سنه مشايفين الراحة ورجعت ذاكرتي لليوم الي اجت بيه فجر بس مو فجر الي نعرفها