اسيل _شبيج؟ خوفتيتي
فجر_شهل صادق هذا اويلي
اسيل_اي حباب صرنه اصدقاء
دخلت للبيت رحت الغرفة بيبي وفجر تركض وراي
بيبي من يوم ما سجنوا احمد وهيه معاديه فجر من شافت فجر دخلت للغرفة دارت وجها اخذت تيلفون مدري منو وصرت العب بيه
فجر_اييييي احجي شبيج
اسيل_شحجي!
فجر _شبيج اسيل شرايج بصادق
وكف كلبي وقت قاطعنه بصوته العالي وهوه يكول ليش شبيه صادق رفعت راسي شفته خازرني وعيونه طالعات يخوف بالحظة حسيت اني راح اموت لان واضح مراح يفوتها الي بسلامات والدليل غضبة
فجر_مابيه شيء بس اجه وخطية بعده بره كاعد جاي احجي وياها بغير موضوع بس شكلك خبطت
اياد_سدي حلكج وسكتي اني ما سألتج
فجر_لعد سألت منو هوه منو كاعد غيري اني وبيبي
اياد_وهاي اليمج شبيها ما تحجي
حكم_ولي مني ماريد اشوف وجهك اطلع برا لا بارك الله بيك ولا بشوفتك
طلع هوه يغلط ويسب بس منعرف بمنو شفت بيبي تحوس عرفت تريد تحجي ويا فجر اني كمت اشوف عسوله وين باخر فترة صايرة تغار وشالعة كلب امها حسبالها من يجي الطفل ياخذ معزتها كعدت بالصالة العب وياها بس اسمع بيبي وهيه تحجي ويا فجر
حكم_تعالي هنا عندي جلمة وياج
فجر_واخيرا حجت وياي حكومة اجيج واني الممنونه
حكم_بطلي حجي مامنه فايدة واسمعيني زين
فجر هزت راسها وهي تسمع كلام بيبي
حكم_اني ماراضية على كل هاي الزواجة بس ماريد اكطع بقسمة احد لان الله يكطع بيه واحميد وليدي ومارضه الي صار بيه عبن هوه ماينرفض بس شنكول اذا انتي عرمة وخبكة وماتعرف راسها من رجليها
فجر_رحم الله والديج بيبي هاي اني هيج
حكم_اسكتي ولا تسمعيني صوتج وهسه اسمعي الي اكوله خطبة وطربكه ماريد لان شويه خلي عندج مستحه من ابن عمج تخابرين طارق بمدري بارغ وتكليله يستعجل مو اله بيت يلا يجي يخطب ماعاجبني وضع ابن عمج صار شهر ونص مسجون
فجر_تم على امرج بس بيبي ليش ما نسوي حفلة قابل اني يوميه متزوجة؟
حكم_ولي مني تريد حفلة ولي يم رجلج وسوي حفلات استحي من خالتج تره ابنها ماترضة عليه
فجر سكتت منها واني التهيت ويا عسل جابت الوان وجاي نلون بدفتر التلوين
صار العصر والكل مجتمعين باجر يجون اهل طارق يمشون على اختي جهزنه حلويات وتقديم وفجر حظرت نفسها واضح عليها الفرحة
أنت تقرأ
بين التبلد والحنين
Romance🚫🚫🚫حقيقية _عراقية نبذة...... في سن يجعل الانسان في قمة البلوغ ولكن ماذا لو كان وجعك والامك هو شخص فاهم واعي ولكنه ظالم بارد مستبد طاغي لا يرحم الموت امنيته الثانية بعد تحقيق النصر اما امنيته الاولى فتاة صغيرة تربت وترعرعت بين يديه ورأت جانبة...
