بين التبلد والحنين

البارت 12

يمكن لهذا السبب البارحة ماحجت وياي رحت جابت النه مي وكعدت تلعب عسولة مدري غزولة اني محتار وهذا يضرب بيه هوه اليوم شعنده غايب مايولي الجامعته امها اجت ترزل بيها لان مماكله شيء اني من يمي اجيت اكفخها على راسها بس من سمعت راح تاكل ويا اياد هبطت معنوياتي هذا هم موجود هنا بعدنه نحجي ودخل اياد

اياد _السلام عليكم

صادق_وعليكم السلام شلونك ابو غضب

اياد _بخير من الله انته شلونك بعد اخوك

صادق_والله على الله شو بطلت تجي علينه

اياد _مشغولة بعد اخوك بس ان شاء الله امر عليكم هاي الفترة

اندار على اسيل شافها تلعب ويا الأطفال شفت وجهه ضحك رجع ظهرة على الحايط وطلع جكارته صار يشرب ويباع عليها واني كلبي اشتعل نار شلون بيك قصي ادعي عليك زرع بعقلي فكرة شفت قصي يضحك

صادق _خير قصي ضحكنه وياك

قصي_والله تذكرت صاحبنه خطية غركان بشط شلاكه

اياد _ومنو هذا صاحبكم

عيونه ركزت بعيوني هذا البشر مبنظم شيء عليه غير الموضوع وصار يحجي على الشغل والحجية هم ماقصرت بالحجي اجو عمامي وكلنا كعدنه سوء وقت حله صلينه وهنه صبن الغدة الف الحمدلله اكلنا وفتحوا  موضوع الزواج

تحسين_ان شاء الله بعد المدرسة نشوف مرية القصي واحمد خلي نزوجهم كبروا

قصي_الله ويدك وين جنت طكني الجفاف

تحسين_كاظكم إني بس انتم ما ترضون بس بالأول خلونه نفرح باياد ها بويه شكلت

مجان مركز ويانه لان صافن من ابوه ساله جاوب بكل ثقة

اياد_كل شيء جاهز حتى العروس بس انته انطينه مجال نرتب الأوضاع

شنو الجاهز ومنو العروس واي مجال يريد معقولة منتظر اسيل تخلص مدرسة؟

اسيل_________

احلى موضوع اليوم انفتح اريددد اغير من نفسيتي ومن جو الكأبة الي بالبيت من كالوا راح نزوج الولد كلش فجر صارت دكرص بيه من شافت قصي كمز حتى يكول الابوه زوجني كلنه متنه ضحك عليه

بس اني متاكده احمد مراح يقبل لان مستحيل يتزوج وهو كال اذا ما اتزوج فجر تحلمون اتزوج خطية خلدون كال زوجوني اني هم ومرام كلتله لازم عاجبك تنام بالصالة وهو نلصم لصم عباس كال اني عندي طركاعة مالي خلك ثانية وعبير تخبلت وكل شويه مطلعه سالفة على عباس ساعة ابو النسوان وساعة ماينجرع وساعة شالع كلبها وساعة مقصر وياها آخر شيء عمو فالح كلها عم رجلج ماينجرع وما نظلم بنات ناس وياه وهي كيفت

بس الحضة الحاسمة والي فقدت بيها اخر ذرة ذكاء براسي وقت كالوا خلي نفرح باياد بالاول وهوه جاوب العروس موجودة  بسرعة خطرت ببالي عفاف بدون اي تفكير واي خوف واللمرة الألف الله لا وفقج يا اسيل صحت ايييي