بين التبلد والحنين

البارت الاول

الدنيا باردة دكص كص من البرد واني ملفلفة تلفلف بس عيوني طالعات لابسه كبوس ولافة ركبتي بشال حياكة اديه احسهن طارن من البرد الدمعة بطرف عيني الخوف كاتلني

كل الطالبات رجعن لاهاليهن بس اني باقية هنه حتى الحارس راح طينه مو مال ارجع مشيء برد يكتل كتل وقصي كال لا تجين اله اني اجيج وصار ساعة ونص منتظرته يا خوفي نساني

بقيت واكفة بنص الشارع والسيارات تروح وترد وسيارة جيكلاس صار ساعة تفتر واني متت من الخوف لمحت سيارة عالية من بعيد لونها ابيض

_ ياااا الله بلكت هذا قصي

الفرحة ما وسعتني من شفته رحت اركض حتى زلكت بس ما اهتميت وكبل فتحت الباب

قصي_هاا اسوله تاخرت عليج؟؟

اسيل_شبيككك انته مو كتلك تعال من وكت متت من الخوف شوف اديه شلون يرجفن

حجيت والدمعة بطرف عيني باع على اديه وضحك شغل السيارة حتى بدون مايبرر الي سبب تاخره حجيت واني احس غصة بكلبي وصدك نزلت دموعي

اسيل_ شصار بسالفة اياد شنو شوكت يطلع من السجن؟؟

باع عليه وزفر بصوت عالي وكانه واحد مهموم سحب باكيت الجكاير وشغل جكارة

قصي_والله السالفة عويصة وهذا الگ****اياد حتى وهو بالسجن ما سالمين منه مهدد ضابط وكايله بس اطلع اكتلك وهذا المن***الضابط صاير يطكطك من الخوف وهسه كلشي يسوي بس حتى لا اياد يطلع

_زين والحزب مو كالوا احنه انطلعة لعد وينهم هاا؟

_جا شيسون الحزب دفعوا مليارين بس حتى يخلونه عايش وما ينعدم زين منهم وتكفلوا بيه

_همه ورطوة شنو تكفلوا بيه مو همه كالوله صير ويانه

_تخلص وداعتج تخلص امسحي دموعج وانزلي كولي لامي قصي ميت جوع خلي يخلوله غده

نزلت من السيارة شفت الطارمة كلها زلم معكلة رجعت رجوع للسيارة شافني قصي وحرك حواجبة وكانه يستفسر

_اكو زلم بالطارمة شلون افوت

صفط السيارة وجة علي الزمني من يدي وصار يمشي كدامي واني وراه

قصي_لو يشوفي اياد لازم يدج جا كسر يدي وعلكها بركبتي ههههه

اسيل_ههههه اي والله حتى اني استغربت من لزمت يدي

دخلني المطبخ وخلى ايده على راسي انداريت شفت بت عمي خلدون اووووووه شكد اكرها

عفاف_هلو اسوله شعجب متاخرة بالرجعة؟؟

اسيل _جنت اتونس عندج مانع
عفتها ورحت الغرفة ماما هذا وقت قرأه القران شفتها تقرا دنكت عليها وبستها من راسها تصدقت وسحبتني من يدي وباست خدي