بين التبلد والحنين

البارت الثاني

بداية صيف والجو حلو وعطلة اليوم ثالث يوم العطلة جنت نايمة والعب بالتلفون بس فزيت من سمعت صوت صياااح جوة وصارت هوسه وناس تصرخ وناس تضحك وناس تهلهل نزلت اركض اشوف شكو........

نزلت اركض وتعثرت اكثر من مرة ماما بالمطبخ وخلدون يهوس مدري عليمن وعمو يضحك ويتحمد ولكم شكو فاز العراق؟؟

خلدون_خب يااا عراق اياد اياد راح يطلع من الشجن افرحي يمكموعه

احس قشعريرة سرت بجسمي واذني صفرن صار ثلاث سنوات ونص انا ما سامعه صوته غير باجر عگبة ينعدم بس يطلع يقتلوه مستحيل يطلع لزمته الحكومة يعيش ويموت بالسجن طول هاي الفترة بس هذا الكلام اسمعه فقدت الأمل انه يرجع النه اجت فجر حضنتني وهي تهز بيه نزلن دموعي وصرت ابجي بصوت

احلام_على كيفج ماما شبيج تبجين فرحي يادج راح يطلع اجه خلدون حضني وهوه يضحك صاح عمو علي رحت يمه مسح دموعي بس ترجع تنزل شلون اعبر اني خايفة اكثر من ما فرحانه اكيد اذا طلع حياتي تنعدم وبنفس الوقت معدومه بدونه شلون ماكدر اعيش وياه ولا اكدر اعيش بدونه

حجت بيبي الكل ملتم يمها ويكولون ممنوع الخبر يطلع لحد ما اياد يخلص شغله!!! شغله شغليش؟؟

حكم_ سدي بوزج ولا تعوين لا تفاولين الفرخ خلي يطلع بسلامه شنييي ميت وتبجين عليه هاي الزلم كلشي يصير وياها

احمد_حجيج كلام حكومه ضحك وغمزلي

شالت العوجية وضربته على راسه خطية فز وصار يمسح على راسه اني من يمي حسيت بالوجع من صوت الرنه

احمد _ جدددده صدك تحجين فشختي راسي مو مال شقه خلى وكام صرنه نضحك عليه الكل صار يحجي شلون اكدر يطلع لحد لأن نحن مانعرف مكانه بالضبط وين يخابرنه من رقم غريب وكل فترة يغيره بس يكلنا اخباره ويرجع يغط الي افتهمته هو الي مدبر موضوع طلعته بس الكل محتار وخايف خاف يطلعونه تهريب وبدال ما نطلع من مشكله نصير بمشكله ويا الدولة

باع الفجر تباوعلي غمزتلي وكامت كمت وراها صعدنا وانا اخط برجلي ماريده يرجع راح يبدي طلباته واستبداده وعقوباته الي تخوفني اول ما دخلت دفعتني فجر على السرير

فجر_احلكج اشكه اذا جذبتي علي واحجي شبيج مو قبل كم يوم تلطمين عليه لان نسجن

اسيل_لطمت بس جنت مرتاحة منه ضربتني على كتفي بيدها وكعدت مقابيلي

فجر_بس هذا اياد بابا وعمو مو هيج اتسمينه ترة من خوفه عليج هوه هيج متشدد وياج تره هوه رباج من جنتي هلكدج عيب تحجين هيج ولا تنسين عمه سعاد شكد تحبج ولا ليال ونجوم يموتن عليج ويحسبنج اختهن ترة وقت جنتي صغيرة هم الي ربوج ومن حقهم يتحكمون بيج

اسيل_وليشش من حقهم انت لا تشوفين اياد هيج حباب هوه صح حباب ويحبني بس يضربني شوفي هاي جويه الجكارة لان اخذت فلوس من خلدون للمدرسة وخلدون عنده علم بس هوه جان نايم وقافل الغرفة واني جنت مستعجله