بين التبلد والحنين

البارت 16

قهرررر واني اكتب 1789 كلمة وبالاخير ما احفظهن ويرحن وربي راسي من القهر صار اسبوع يوجعني وكل ما اتذكر تعبي بنقل الاحداث انقهر وانتم حتى تعليق مجاي تخلون ليش يعني معقولة الاحداث مابيها شيء يعجبكم؟ على كل حال شكراً لكل شخص يترك تعليق حلو على الاقل يخليني اتحمس اكتب يلا نبدا الاحداث ونكول يا الله

اسيل_وانتتهههه شكو الله لا يوفقك شوف شويت بجتفي شووووف دم جاي يطلع منه شنو هستوك يلا تذكرت

اياد_اني اصلا ماناسي سوياتج من الأساس  وهسه يلا اطلعي اريد اسبح واذا تردين تبقين ماعندي مانع بالعكس راح اسويلج استغراض يليق بمقامج

شمر المفتاح علي فتحت الباب واني ابجي الوجع يموت والدم خوفني اجيت شفته اجه وراي ركضت بس هوه ركض اسرع مني ولزمني من خصري ظهري لزك بصدرة العاري رجليه ارتفعن من الكاع شالني وكعدتي بحظنه على الكرويته

اياد_لا تكبرين الموضوع هي كلها عضة وبالشقة

اسيل_هوه هذا هم شقة شوف شويت بجتفي يوجعني حيل والله العظيم

لم شفايفة ونفخ واحد من خده صار يباع على كتفي
راد يحجي بس سكت....

اياد_هسه يطيب وهاي بوسه حتى يطيب بسرعة

تقرب باس كتفي من ورى الملابس ايده تمسح على ظهري عدلت رجليه حتى اكوم بس سواله لفت انتباهي

اياد_هسه خلينه بالمهم اسيل اريدج تساعديني بالموضوع

اسيل_يا موضوع لا تورط نجوى ويا حسين مزوج وبعد مرته صبا موجودة وتحبه وهوه هم يحبها

اياد_يا نعال دخلي تولي ماتستاهل حسين واني من الاساس مقابل بزواجهم

اسيل_وانته شعليك ليش تدخل خليهم عايشين مرتاحين شنو شاكيلك همومهم لو باجين عندك حتى تزوج وطلك بكيفك

اياد_حلو وصايرة تعرفين تحجين دنجبي وسكتي ورأيج خليه الج

اسيل _نجوى خوش بنيه وبعدها صغيرة شناقصها تزوج واحد مزوج الف واحد يتمناها ما اريد تخرب حياة البنية وتنطيها اقل من حقها

اياد_ومنو يكول حسين اقل من حقها حسين حق وزيادة اعرف نجوى خوش بنيه وراح تصون حسين من بعد كسرت ظهره وهي الي راح تداوي جروحة

اسيل_ليش هيج تحجي ليش حسين شبيه عوفك من حسين عندنا قصي واحمد وانته ليش اله حسين وشمعنى هو بالذات

اياد_ مادري احجي لو اسكت بس حسين راح ينظلم ظلمة جبيرة ماكو غير ربج الي يكدر يخفف عن ظلمة ونجوى راح تكون بلسم لجروحة بنت واعيه وفاهمة ومسؤولة هيه الي معيشة اهلها رغم صغر سنها هيه تعبت وشافت الضيم وهوه راح يتعب ويشوف الضيم

اسيل_اليش هيج تحجي؟! صاير شيء!؟ شوف اني مالي دخل بس صبا تموت على حسين لو شايفها شتسوي من يعوفها الوحدها