بين التبلد والحنين

البارت الثالث

اياد_اسيل اطلعي برا

اسيل_بس بعدني ممطلعة الك ملابس!!
اجه نزلني ودفعني حيل برا الغرفة

اياد_شكراً اني اروح اطلع لا تنزلين مناه لمن انزل اني
هزيت راسي ورحت للحمام كمزت من شفت عفاف واخلاص واكفات ورى الباب

اسيل _شبيجن شدسون؟؟

اخلاص_انشوف مگح..... بعدها ما مكمله وخلت ايدها عفاف على حلكها

عفاف _اخلاص ضايجة ولعبانه نفسها هسه انت شتردين تحقيق؟؟

اسيل_اني شكو بس اغسل وجهي واطلع سولي مجال واسمعن يتبسبسن بس ما اهتميت الهن

هستوني انزل وسمعت عيطة ولججججج يمهههه الحكيلي.......

_____

طلعت زوجة عباس تركض وامير بيدها مسحونه روحه صاير ازرك اجت تصرخ مااعرفت شنو اسوي ركضت عليها وياد طلع بس بالبنطرون بسرعة شمرت الطفل عليه وهيه تضرب بوجها

اياد_ بت الوادم احجي شبيه؟ حتار شنو يسوي شاله كلبه على وجهه وصار يضرب على ضهره

عبير_جان ياكل وغص عفية اياد الولد راح يروح صارت تصرخ وتبجي بصوت عالي

الطفل صار يتقيئ الكل اجه على صياحها خطية عباس بسرعة اخذه من ايد اياد وصار ينفخ بوجهه بس اياد سحبه منه وكاله ميصير لان تتجمع السوائل بحلكة ويختنك كعد عالتخم وهو امير الي بعد ما تقيئ سنح وجسمه خدر امير بحضن اياد خطية عبير كعدت بالكاع تبجي وعباس فوك راسها يهدي بيها ماما اخذت امير غسلت وجهه شوي صار احسن بس يبجي ويلزم بحلكة يمكن يوجعه

احلام_كافي يمه كافي بجي هاي شوفية جنه العافية كومي غيري ملابسه عدت سلامات شلون مايصير نفرح بدون ما نتمرمر الف الحمدلله

اخذته وراحت وياد رجع يسبح خاله سعاد وماما نزلوا إني هم نزلت اساعدهم خطية فجر صارت وصله مسح هي وبنات عمو تحسين بس هنه يشتغلن زوجة عباس يم ابنها ومرام اصلا مالفت سون الغداء للناس واجو الولد اخذوه ابد مارتحت الولد عمي الباقين على رغم من مختلطين وياهم من قبل مجانوا هيج شو هسه نجلبوا فدنوب

فجر تموت ولا تشوف ولد عينة عليها تتخبل دكول ملكوف وهيلكي إلي مايحترم عرض الناس ياد هم يضوج منهم واكثر من مرة من يجونا قبل يطردهم ويكلهم انتم كواويد مومال ادخلكم ببيتي صراحة احس عيب هيج يحجي عليهم.

_فجر*******

بالف ياويل يلا خلصنا غداء غدينة الزلم ورجعنة عالنسوان وصلاوات عماتي وخالاتي وبنات عمي خطارات ولا جن البيت بيتهن كل وحده جايبة وياها عشيره اقل شيء والي جايه بوحدها جايبه جنه واطفال وبنات حسبت النسوان 25 مرأة معدتي نعصرت ونحن بس 3 نوزع عليهن ماما وخاله صاروا خرخاشه كنالهن اكعدن ونحن نوزع فرشنه السفرة نص بالصالة ونص بغرفة بيبي