بين التبلد والحنين

البارت 17

الحياة مرات تكون قاسية وضالمه للانسان يعني ابد متراعي مشاعرة ظروفة وطاقته على التحمل ولا تراعي حدود صبرة كل الي عليها

تصنع عثرات بطريق الإنسان حتى يتعلم من كل طبه ينطب بيها ويتعلم قبل كل شيء لازم يباع على طريقة زين ولا بيه حفر ومطبات حتى لا يوكع

بس الانسان الغافل عن الطريق وغافل عن شلون يمشيء بهذا الطريق الوعر مراح ينتبه للطريق لان راح يتشتت باله وينتبه على الظواهر الي تحيط بالطريق ويهمل طريقة راح يعثر مرة ومرتين وثلاث لحد ميوكع بحفرة الصياد الي ميرحم وساعتها يبقى متندم العمر كله لان ماانتبه الطريقة ومااهتم اله ويتندم لان انشغل بالاشياء الي تحيط بيه وترك نفسه

مرة اياد سولفلي سالفة لحد الآن اتذكرها جان ابن جوارينه اسمه يوسف كلششش وكح يوسف عمره 23 سنه مشاغب السانه طويل وحرك حتى يسمونه الزيبك يوسف بيه مرض اي بهذا وقتنا يسمون الصراحة مرض مرض يوسف كلش صريح

وفطير لابعد حدود مرة وحدة يوسف شاف بت جوارينه الثاني وكلها طالعة حلوة وهي عمرها 15 سنه بس بسبب بنية جسمها مبينه اصغر

الناس سمعت يوسف تغزل بيها وشافوا البنية شلون خجلت كلها لامت يوسف لان تغزل بالبنية على رغم من يوسف اعتذر وكال حسبالي صغيرة واني مستعد اسوي اي شي تردونه

اهل الابنية كالوا اليوسف منريد نشوفك بشارعنه ابد ويوسف قبل ورى فترة كبت

العيطة وصارت المشاكل والرمي مطر على بيت ابو يوسف خير شكو؟ والله البنية شاردة ويا صاحبها وتاركه رساله الاهلها

واهل الابنية تهموا يوسف هوه صاحبها وهو الي مشردها يوسف تخبل وصار يبرر لنفسه ابدد محد. اقتنع وكل الناس كالت يوسف لان قبل كم سنه يوسف تغزل بيها الناس متنسه تطلع الميت من كبرة ودكله انته ميت ترة

اجت الشرطة واخذت يوسف تحقيق وروح وتعال ومدري شنو وشلون واشهود يوسف مطلع من السجن لان هوه المتهم الاساسي كل الناس كالت يوسف وكح يسويها حتى اهلي كالوا يوسف مو راحه

الا اياد بقى مصر على يوسف بريئ  وراح ودخل نفسه بقضية يوسف وكل محامي اله وتواصل ويا معارفة وطلع يوسف مخلاه يبات يوم بالسجن ووقت رجع اجو اهل البنية وتعاركوا ويا اياد واياد كلهم بتكم تاخذونها من عيوني بس يوسف بريئ

لناس مو تعرف اياد واله مكانه بالدولة فكلوله تكفل بتنه نحن منريدها عايشة اهم شيء نغسل عارنه اياد كلهم خلي نلكاها والله كريم ومالكم حق يم يوسف لان ماعندكم دليل عليه وسالفة انتي حلوة صار الها سنين

اهلي مقبلوا وعمو تعارك ويا اياد بحجة ورطت نفسك وباجر يردون البنت منك وتعال يا اياد استر عليها اياد غلس وما اهتم