بين التبلد والحنين

البارت 10

بًسِمً آلَلَهّ آلَرحًمًنِ آلَرحًيَمً

اياد_اطلعي مني لا تخليني هسه ابتلي بيج بت الاوادم اشتريتي اشتريتي اشتري شيء بيه خير تمشين ويطلع###### شلون بيج انيييي

كلش فشلت من كلامه فتحت الباب ونزلت لكيت الولد جاي وملبسها ذهب وكاصين الكيك باوعتلي بنظره اصبريلي ماما شفتني كاصة شعري لو تسودنت غلط وكرص ونعايل بس اخر شيء كالت حلو لايكلج

بهالاثناء ونحن بقمة سعادتها وفرحنه طارق وفجر يركصون دخل أحمد حسيت اذني صوفرن فجر وجها نخطف خطية ماتت ماما وخاله كذالك تقرب على فجر صارت ورى طارق مد يده وسلم على طارق وتبارك اله وبعدين باع على فجر الي جانت محتشمة بلبسها وسلم عليها صاح اسيللل ركضت وراه كل شويه اندك بالعباية مال ماما لان فستاني فضيحة وعيب اطلع كدام طارق بيه على اساس انتظرة يروح يله انزعها

دخل لغرفتة وركع الباب لحيته طولانه وملابسه مبهذله عيونه حمر ويردن يطلعن من مكانهن يروح ويرجع بالغرفة ويغلط بصوت عالي لعد اني ليش صاحلي شيريد رحت طلعت له ملابس وخليتهن على الجرباية خطية خلي يسبح شكلة تعبان

احمد_شفتي بت الكلب شسوت

اسيل_عيب تغلط على بابا ترة هوه مكلك تعال اعتدي عليها طبك مرض انت خليتها هيج تسوي

احمد_دنجبي انت الثانية ولجججججججج اسنين حب وغرام واني نايم على وجهي واكول فقيرة طلعت اني الفقير وهيه المحيلة

اسيل_جذب فجر مجانت تحبه بس حسب الي فهمته من حجيها لان خوش ولد تعلقت بيه

كعد بالكاع وصار يبجي بصوت عالي كلش نقهرت عليه وماعرفت شسوي لا اكدر اتقدم ولا اكدر اهديه خفت عليه احمد رجال شكبره شكده هيج يبجي صار يحجي ماعرف شنو بس ماكو ولا كلمة واضحة صوت البجي صار علي اجيت كعدت يمه ولزمته من ايده بس هوه دفعني

تذكرت ياد نايم خلي اروح اصيحه بلكت يعرف يهديه نمرد كلبي مرد عليه الله لا يوفقج فجر

ركضت لغرفة ياد وفتحت الباب جان نايم على بطنه وبلا قميص ضربته على ظهره بسرعة فز

اياد_اشبيج ليش هيج وجهج صاير شيء

اسيل_احمد اجه وهو بغرفته وكاعد يبجي

رجع كعد هو ثاني رجله مسح كصته وصار يعت بشعره بقوة هز راسه واني منتظرة شوكت يكوم يشوفه شو هذا سحب باكيت الجكاير وصار يشرب

اسيل_شبيك مو احجي وياك روح شوفه شبيه خطية راح يوكف كلبة

باع عليه بستهزاء وتجاهل كلامي رجع ظهره على التاج مال الجرباية ورفع راسه يباع بالزكف