" بيت سالم "
الكل مجتمع على الفطور والوضع جداً عادي ولأول مره طبعاً يكون هادي بوجود غزيل ومشعاء '
بدريه : ما ودكم بسفره نغير فيها جو دام الاجازه جايه
نشميه : انا ما عندي مانع
بدريه : شرايتس يا وضحى !
وضحى : كيفكم وين تبون ؟
حصه : شرايكم بالبحرين ؟
وضحى : البحرين البحرين
غزيل : شخباري من يروح البحرين الحين
بدريه : وليش البحرين لها وقت محدد ؟
مشعاء : قديمه مره
شروق : اذا ما تبون تروحون ترا محد غاصبكم
وضحى : شروق !
مشعاء : احترمي نفسك يابنت
شروق : ما قلت شيء غلط ! بعدين صدق ما تبون عادي اقعدو حنا بروح ونبي البحرين يعني نغير الوجهه عشان انتو ما تبونها ؟
غزيل : صدق قليلة ادب وما تستحين
وضحى : اكسرو الشر وخلونا نفطر زين !
قامت شروق : بالعافيه عليكم !
نشميه : شروق يامي ارجعي كملي فطورتس
شروق : معليش خالتي شبعت انا '
تنهدت نشميه من حركات غزيل ومشعاء اللي مهمها تكلمت وقالت ما يتغيرون !
حصه : لا حول لله البنت ما كلت زين
تنهدت وضحى وهي تمسك راسها
مشعاء : اللي جوعان يقدر يسنع عمره '
بدريه : الا بناتس اللي تقولين عنهم وينهم ما نشوفهم ؟
لفت نظرها غزيل لمشعاء وهي تبلع ريقها
مشعاء : بناتي مشغولين بالبحث حق الجامعه مو مثل بعض الناس داخله جامعة ابوها البحث يصير وهي نايمه
وضحى بنظره لمشعاء : من تقصدين ؟
مشعاء : والله مدري كل واحد عارف نفسه
تنهدت وضحى وهي تقوم من الفطور وهي نفسها مسدوده من حكي مشعاء اللي دايم يسد نفسهم عن كل شيء '
اما غزيل ومشعاء وهم يكملون فطورهم بانتصار من يوم سدو نفس وضحى وشروق عن الفطور ' لفو نظرهم لنشميه اللي تناظرهم بغضب وقلة حيله منهم
" شروق "
طلعت الحديقه وهي تحاول تهدي نفسها وغضبها من حكيهم ونغزاتهم اللي تطفشها دايم ' رفعت جوالها وهي تتصل على ابوها وتقوله عن كل شيء ' معد صارت تتحمل اكثر لا كلامهم ولا حركاتهم '
رفعت الجوال وهي ما حصلت استجابه من ابوها للاتصال وهي ترجع تتصل مره ثانيه ' تنهدت وهي تقفل الجوال من شافت رفضه للاتصال ' تمسك نفسها بالقوه انها ما تنهار ولا تنزل دمعتها وخصوصً سببها مشعاء '
" طلعت وهي تشوفها واقفه وتهز رجلها وواضح الغضب مالي جوفها ' تنهدت وهي تتجه لها وتوقف قبالها وتركز نظرها عليها ' لفت نظرها على امها وهي تشوف نظراتها اللي كلها عتب عليها '
شروق : يمه لا تحطين الغلط علي وانتي شايفه بعيونتس كل شيء من البدايه
وضحى : شايفه كل شيء بس ما كان له داعي تردين عليها بهالاسلوب
شروق : يعني وش تبيني ارد عليها ؟ شكراً على كلامتس ؟ احب راسها على الحكي اللي يفرح ؟
وضحى : ما قصدي كذا ! بس لو وصل الحكي اللي قلتيه لابوك وش تتوقعين بيسوي ؟
شروق بضحكه : دقيت عليه عشان اعلمه بنفسي !
وضحى بصدمه : وش سويتي ؟
شروق : لا تخافين ما رد علي ' مشغول بشركته ما درا عني
وضحى : وليه تبين تعلمينه ؟ تبين تزيدينها يعني
شروق : ابيه يوقفهم عند حدهم ' ابيهم يسكتهم ويخليهم شلون يتكلمون معنا ' مو معقوله كل حكيهم وحركاتهم خبث وحقد ! وش سوينا لهم حنا ؟ وش سوينا عشان يسوون فينا كذا
وضحى بتنهيده : يايمه ربي خالقهم كذا ' ربي خلق طينتهم وحركاتهم حنا مالنا ذنب
شروق : وانا مالي ذنب اتحمل كلامهم ونغزاتهم مالي ذنب يمه
وضحى : خلاص انتي هدي ولا تشغلين بالتس فيهم وطنشيهم من متى اقولتس طنشي شيلي اذنتس عنهم لا تعطينهم وجه بس انتي ما تسمعيني
شروق تنهدت وهي تدخل وتتجه لغرفتها '
وضحى تغمض عيونها بتعب منهم ومن حركاتهم اللي متعبتهم ' صحيح بنتها مالها ذنب تتحملهم بس حتى هي ما بيدها شيءٍ تسويه !
<<<<<<<<<<<<<<~>>>>>>>>>>>
" مكان جديد اول مره نروح له "
•الرياض•
