الحب.. المحرم

البارت 3

ادهم اني...  قاطعني

ادهم...  وفاء

درت وجهي واشوف وفاء

وفاء...  ادهم عمة اتريدك تعال

يووو هسه وكتج وفاء...  جان تروح

خله يده عل شعري... 

ادهم...  باجر نحجي امي دصيحني... 

راح واخذ گلبي وياه... خليت يدي عل شعري... 

جانت احلى لحظه بحياتي انك اتكون قريب مني...

فتت جوه... وجان الجو متاخر... وصعدت نمت يم زينب... 

ثاني يوم رجعنه اني ووفاء... 

وفاء جان عدها دوام واني صادف يوم سبت ماعندي لان وفاء جامعة اهلية... لذالك اداوم يوم السبت... 

رجعت للبيت... 

واتمددت عل جربايتي...  وصافنه عل سكف... 

نور...  ها سولفيلي... 

كمت واجت كعدت يمي... 

نور...  كولي اصار... شبي وجهج امعبس

اووف... ما كدرت اعترفله نور

نور... ليش ولج

اختج خربت ام السالفة... داحجي واجت كلتله عمه اتريدك..

نور... اشكد مزعجه الا تجي بهل وقت... 

شمدريني حضي... 

نور يلا انشالله عل غير مره اتكدرين تكليله... 

مر اليوم عادي واجه اليل... 

وجان الكل كاعد... 

بابا كال...  راح يجون بيت عمكم كلهم... 

ليش عمو مو مسافر

ابو احمد... رجع من صبح رحت استقبلته من مطار

ها اي... 

بسرعة رحت لنور ركض وكتلها

... ولج ليش حيجون...

نور... والله ما ادري شتكولين... معقولة لبالي

هههه لالا اوكفي يجوز جايين يشوفون بابا... لان جان مريض

نور... امم ما اتوقع... انتي هسه لازم اتروحين اتبدلين

ماشي... 

رحت بدلت فستان تسعين حلو بسيط ولبست تراجي.. وسنسلة بسيطة... وميك اب خفيف كولش... 

وعدلت شعري ونزلت... 

باوعت وفاء جانت مرتبه روحهها عل اخر حبابة... عجيبة... هي بس ترتب روحه من تروح لجامعة... 

ضليت انتظر...  واندك الجرس...  راحت الخدامة تفتح الباب... 

... اوكفي اني افتح

الخدامة... ماشي

عدلت روحي وفتحت الباب... 

هلا والله بعمووو