الحب.. المحرم

البارت 4

ضليت بغرفتي لحد ما راحو... 

كمت طبيت للحمام.. شلت الكزاز ونضفته... 

ورتبت الغرفة...  وطبيت غسلت... 

طلعت فتحت الباب صارت اكبالي وفاء

وفاء...  يرادلج كتله وووين جنتي...  من لبسنه الحلقات.. 

اا

وفاء...  اشبيج حبيبتي بيج شي

لا... 

وفاء...  ليش هيج وجهج شاحب... 

اا..  مو

وفاء...  حبيبتي تعبانه شي

لالا.. مابيه شي.. بس جنت اقرا وتعبت حيل

وفاء...  انعل ابو السادس ارتاحي.. المهم صحتج...  بس زعلانه منج بعدني... 

اعتذر مو قصدي والله...  دكت عليه صديقتي كالت الامتحان مال باجر مهم واطريت اعوفكم واروح اقره.. 

وفاء...  اووف.. يلا مسامحتج اذا هيج... 

اتقربت وبستني من راسي... 

وفاء...  روحي نامي باجر عندج دوام

ماشي...  طبيت وسديت الباب... اتنفست قوي... 

كعدت بلكاع..  يم الصوبه...  وافكر... لازم افكر شراح اسوي...  وبعد تفكير طويل... 

اخذت قرار...  اني خلص راح انساه... راح انسه حبه... اي راح انساه...  لازم انساه...  راح يصير زوج اختي... مستحيل بعد افكر بي... 

ماريد اخسر اختي وفاء...  مستحيل... 

مسحت ادموعي...  اول شي اني اقطع علاقتي ب ادهم نهائيا...  مارح خلي حتى يلمحني... 

اي...  ولا راح كون صديقته بعد اليوم... 

نزلت دموعي....  اخ.  اخ گلبي...  ضليت اضرب عل گلبي... لك غبي شلون حبيت.... غبي غبي... اخ... 

ياربي ساعدني ياربي نسيني ياه يارب.... 

ضليت لل خمسه الصبح كاعده وكسع امسح ادموعي... 

نمت ساعة وكعدتني نور.. 

نور...  ريهام كومي يلا دك المنبه...  يلا ولج اليوم عندج مدرسة

اي اي اي...  شتريدين منايمة لصبح

نور... اششس شبيج

خليت يدي عل عيوني... شبيج

نور...  كومي بدلي يلا...  اذا مانزلتي هسه  اثبتيلي انتي جبانه  يلا اريد اختي القوية..  

طلعت وسدت الباب... 

ضليت صافنه...  اني مو جبانة... 

كمت غسلت وجهي...  وفرج اسناني...  ولبست ملابس المدرسة.. 

لبست كوتي الطويل...  وسويت شعري كبه ونزلت كم غصله... وحطيت مرطب لوجهي ولشفتي...

اخذت جنتي ونزلت...