الحب.. المحرم

البـارت 13

نزلت اتغديت وصعدت... اكمل اقراية...

جانت المادة الصعبة عندي هي الرياضيات... جانت درجتي بيهه بل امتحان كولش ناصية...

ياربي شسوي... اوووف... مادة لو انتقام

اذكرت عمر ابن خالتي كلي اني ادرسج رياضيات...

يسسس لكيتها... اخلي عمر يدرسني واخذ بيها درجة... يارب بلكي عنده وقت...

اخذت موبايلي واتصلت عليه...

الوو

عمر 📞الوو

شلونك

عمر 📞.. الحمدالله انتي شلونج.. شعجب ذكرتينه

هههه... لا والله... بس عمر اريد طلب منك

عمر 📞.. طلب انتي بس أمري..

شكراا... انته كتلي ذاك اليوم انو اساعدني برياضيات

عمر بس 📞.. اي صح اذكر حتى كتلج من الاسبوع الجاي بس انتي بعد ماحجيتيني...

صح انشغلت بل امتحانات...

عمر 📞... تدللين... لعد من يوم حكون معلمج

هههه... شكررا يا احسن عمر

عمر📞... لالا ماحبيتها...

لعد شكلك

عمر 📞.. كولي صديقي عمر

ههه... تدلل.. صديقي عمر

عمر 📞... اليوم بل سبعة اجي ماشي

ماشي... بنتظارك... صديقي

عمر 📞... هههه.. مع سلامة

الله وياك...

سديته وكمت كملت اقراية...

وراها كمت بدلت... لبست بنطرون كوباي وقميص اسود عريض... وسويت ضفيرتين... مثل الاطفال.. ههه حبيت اغير الك... وخليت مرطب...

وعزلت الغرفة... ومكتبي وصفطت الكتب وطلعت كتاب جديد هوه ليشرحلي بي.. علمود اقره عليه...

صارت بل سبعة ونص ونزلت عل حس الجرس...

فتحت الباب...

هيلاوووو عمررر

اتفاجئت...

لكيت وفاء وادهم...

وفاء بضحكة... عمووري وينه.. هههه... دتاني

لالا... مو اتفقنه يدرسني اليوم

شفت ادهم ضاج...

بوستني وطبت... باوعت عل ادهم...

طب وماحجاني...

اووف... هسه وكت تفهم غلط...

طبيت... ولكيتهم كاعدين بصاله ويه امي وابوية..

نور... ليش واكفه بلباب مطبين

هاا.. لا مو متانيه عمر... اتفقنه ندرس اليوم رياضيات