الحب.. المحرم

البـارت 14

جنت مدنكه وانفتحت الباب ورفعت راسي...

ادهـم ببتسامة...الله يساعـدهم

دنكت راسي وطبيت

ادهـم... مو داحـجي وياج... ريهـام

انداريـت...

هـا هـا شتريد بعد تريد تـضرب احـد وتـرزل

ادهـم... راح تموتين عليـه لان ضـربته

انته من كل عقلك...

وفاء... هيلاووو

اجت شبكتني...

وفاء... خوش اجيتي... جبنه اني وادهم مشويات راح نسوي عل غده مشكل

اي...

وفاء... شبيج

ادهـم... گالبه وجهه علينا

وفاء... صدك؟؟

هاي شبيك ادهم... لالا... ادهم ديشاقه

وفاء... عبالي... عل فكره ادهم اعتذر من ابويه وكولشي انحل...

اي... زين... يلا حروح شويه اريح

وفاء... مو تـتاخـرين

ماشي...

صعدت صعدت فوك.. وسديت الباب... انتجيت وكعدت بلكاع... احس بعد ماعندي طاقة اجذب عل نفسي واختي... مستحيل اخرب حياتج... اعرف حياتي خربت... بس اكو فرصة اني انقذ حياتج...

كمت ورحت غسلت والحمام نترس بخار... بجيت بقوه... شلون هيج سلمت روحي اله.... ماجان يحبني ليش اعترفتله... وشراح استفاد من اعترفتله...

كملت غسل وطلعت... بدلت تراك ومشطت شعري خليته محلول...

ورتبت مكتبي وغرفتي... ونزلت...

كعدت بصالة والعب بتلفوني

ام احمد... شلونه امتحانج

الحمدالله...

ام احمد... رجل اختج ادهم اعتذر... انتي هم اعتذري منه من حجي لحجيتي البارحة...

كمت لحيلي... ماما انتي صدك تحجين اعتذر اني

ام احمد بعصبية... اي مابي شي لعتذار

لا بي شي من اكو غلطانة اعتذر بس اني مو غلطانة

ام احمد بصياح... اتخبلتي

نور... شكووو شبيكم

طبت نور اسكت بينه... وراها طب ادهـم ووفاء

وفاء... شكو ليش هل صياح

ادهم.... خالة بيج شي

ام احمد... لا ابني ماكو شي... بس ريهام البارحة غلطت بلحجي وياك... وتريد تعتذر

ضليت صافنه عليها... من صدك تحجي...

دنكت راسي واتحملت...

اعتــذر ادهـــم...