الحب.. المحرم

البـارت 15

يالله... ساعدني... شهل مصيبة لحطيت روحي بيها..

ضليت كاعده بلكاع... وابجي...

ليش هيج ديصير ويايه... جنت اتمنى يحبني ومن حبني... صرت مااعرف شسوي...

اريد ابتعد عنه وهوه يقربني الا اكثر...

مارته بهل طريقة... وهوه زوج اختي...

اني شداسوي... المفروض ابتعد عنه وامنعة...

اااخ... يالله... والله حتخبل... اريد اضل وحدي.. ماريد اي احد يمي...

طبيت غسلت... وطلعت...

نمت ودموعي تجري...

(((((((((((((((((((((_________++++///////////////

وفاء.... رهووووومة يلا كومي اكعدي..

فزيت عل صوت وفاء...

ها وفاء

وفاء.. يلا كومي.. شلون ريوك سويتلج... وادهم راح جابنه گيمر... يلا كومي بلعجل

كمت وطبيت للحمام غسلت وجهي وفرجت اسنوني وطلعت.... لفيت شعري...

ونزلت...

لكيتها دتحضر الطالة....

ردت اساعدها... ماقبلت كالت اكعدي...

جريت الكرسي وكعدت...

ماشوف غير كعد اكبالي...

ادهم... صباح الخير رهومة

دنكت راسي... صباح النور

ادهـم... انشالله ارتاحيتي بنومة يمنه

ويباوع عليه ببتسامة...

وفاء.... اكيد ارتاحت هذا بيت اختها وفاء...

ابتسمت... اي اكيد بيت حبيبتي

اجت باستني من راسي...

كعدنه ناكل...

جان يخلي اكبالي الكيمر والعسل..

وفاء... هاي شنوو عيني.. غررت ادلل صديقتك ومرتك لا

كولش ارتبكت... لاا

ادهـم... اي ادلل صديقتي... عندج مانع

كام يضحك وهي هم...

باوعت... هما هسه عائلة وبينهم طفل... اني اجابني اهناء... ليش هيج داخرب حياة عائلة كاملة...

كمت بلعجل...

ادهم... ليش كمتي؟؟

وفاء... شنو حبيبتي ماعجبج الاكل

لالا الاكل جان كولش طيب.. عاشت يدكم... بس حدك عل بابا ياخذني...

ادهـم... وشكوو احنه مطرديج

لا
وفاء... لا حبيبي ماقصدها ريهام هيج... بس حقها انته تعرف طالبة سادس مابقى شي عل امتحاناتها