الحب.. المحرم

البــارت 6

حسيت الطريق كولش طويل... وغفيت بدون ما احس... 

وفاء..  وصلنه..  ريهام..  حبيبتي رهومة.. 

ابو احمد...  نامت

وفاء... اي بابا نامت... 

ادهم...  خليها لا تكعديها... اني اشيلها... 

.........................//////////////_________///////---

فتحت اعيوني... وشوف ادهم... 

باوعت...  ليش شايلني... 

نزلني ادهم نزلني...

ادهم...  هوب هوب عل كيفج حتوكعين... 

نزلت واجه وجع براسي... 

لزمت راسي... 

وفاء...  اشبيج يا عيني خل يطببج للغرفة... شبقة هوه احنه صعدنه... 

شكرا ماكو داعي تعبتك... 

ادهم...  ريهام قاطعته

ام احمد....  بتي حبيبتي ريهام

اجت ركض حضنتني...  وتبجي

ام احمد...  ليش ليش وفاء كتيلي اختج اخذتوها للمستشفى...  ها

وفاء...  ماما والله قاطعها

ادهم...  عمة لا يضل بالج هاي كدامج ريهام بالف صحة...  مابيها شي شوية من دراسة تعبت

جان تضربني عل راسي عل كيفها... 

ام احمد...  كافي عاد دراسة..  شوفي اصار اتريدين تموتين... عل كيفج يا ماما... 

امشي ويايه يلا تعاي بغرفتي نامي...نزلتني جوه للغرفة... 

اتمددت عل جرباية وغطتني... 

ام احمد...  نور امشي حضري اكل لاختج

نور...  اي يمه هسة

جان يدخل ادهم...  وطلعت امي ونور... 

غمضت اعيوني بلعجل... 

ادهم...  شلون صرتي ريهام.. 

الحمدﷲ... 

حسيت خطواته بتجاهي... 

وكعد يمي عل جرباية... 

ادهم...  ريهام اذا احد مضوجج كليلي

لا...

ادهم...  زين ليش مغمضه اعيونج ومتباعين ابوجهي..  مزعلج اني وما ادري

(احس كلمته اخترقت گلبي...  اخ  گلبي انته مو بس مزعلني انته دمرتني وحطمتني...  )

لا مابيه شي... 

ادهم...  متاكده

اي..

ادهم...  اريدج اطيبين بلعجل علمود نطلع اني وياج ووفاء...  ماشي صديقتي... 

انشالله..

ادهم...  ماشي

طلع ودفنت وجهي بل مخده... ودموعي تجري بقوة... 

بسرعة مسحت ادموعي حتى ميطب احد ويشوفني... 

جابتلي نور اكل واكلت ونمت...  جنت حيل تعبانة.. 

ثاني يوم اخذتلي اجازه امي ومارحت للمدرسة... 

كعدت اتريكت...  واتمددت بصاله عل تخم.. وباوع عل تلفزون...

جان اطب مرت عمو... 

كمت بلعجل... 

سلمت عليها...  وفاء وامي هم سلمو... 

ام ادهم...  كلولي البارحة اخذوج للمستشفى

وفاء...  اي عمة مدير بالها عل نفسها بس دراسة

ام ادهم...  اويلي منج...  شوية اطي لروحج استراحة... 

انشالله عمه.. 

عفتهم وكمت يسولفون... 

كعدت بلحديقة... كعدت بلمرجوحة  .. وباوع عل سمه...  بدت اتغرب...

وفاء...  شعندج كاعدة وحدج..

اجت كعدت يمي... 

ما اعرف ليش اجاني الفضول وسئلتها...

عادي اسئلج سؤال

وفاء...  اي يا عمري سئلي

من شوكت بدت علاقتكم انتي وادهم

وفاء...  ههه. اممم.. تقريبا سنه

سنه؟؟

وفاء...  اي سنه...  هوه لعترفلي بحبه

جان ينفتح باب الكراج.. 

ادهم...  السلام عليكم

كمت من مرجوحة...  اني حطب جوه كولش بردت

طبيت جوه وعفتهم... 

صعدت لغرفتي... 

______________________/////\//////\/////////___

وفاء...  تعال حبيبي اكعد يمي

ادهم...  اي.. 

وفاء...  اليوم الجو حلو

ادهم...  اي حلو

وفاء...  شبيك حبيبي صاير شي

ادهم....  ما اعرف بس داحس انو ريهام دتجنبني

وفاء...  وليش؟

ادهم...  ما اعرف ليش..  هل موضوع مضوجني..  انتي تعرفين وفاء انو ريهام صديقتي كولش...  يمكن

تستغربين بس اني ماعندي صديق... جان صديقي حيدر واتوفه...  وبعدها ريهام صارت صديقتي هي يلي خلتني اتعدي مرحلة الحزن عل صديقي

وفاء...  والله ما اعرف شكلك.. اعرف زين انتو من قبل علاقتنا اصدقاء... بس يمكن من دراسة... صارت متحب تحجي ويه احد... 

اصور تصرفاتها ويه الكل... بس الوحيده تحجي وياها.. هي نور..

ادهم....  اني هم املحظ انو نور قريبة عليها هل ايام..  وضعها مديعجبني... لازم اعرف شبيها..

وفاء...  حبيبي عوفنه هسه من هل حجي... مشتاقلي

ادهم...  اكيد... اليوم كولش تعبان اهواية مراجعين... خليتهم البقية عل باجر... 

وفاء.. اي زين حبيبي.. 

يتبع....