الحب.. المحرم

البـارت 5

باوعت الساعة بل عشرة...

كمت... بدلت ملابسي لبست بجامة عريضه سوده وبدي عريض... لان من انام احب البس عريض...

وفليت شعري...

وفتحت باب غرفتي... ونزلج جوه... ولكيت غرفة وفاء مفتوحة...

باوعت امي وابوية بغرفتهم ونور بغرفتها هم...

رحت للمطبخ... فتحت الثلاجة... احس تلعب روحي... سديتها... وشربت مي...

كلت اطلع شوية بلحديقة اشتم هوه...

طلعت وسديت باب المطبخ...

دامشي للحديقة واسمع... صوت ادهم...

بلعجل ختلت وره الحايط...

ادهـم... اشتاقيتلج

وفاء... ههه مو الصبح جنه سوه

ادهم... شسوي ما اكدر بدون ما اشوفج ساعة...

وفاء... اممم هههه احبك...

باوعت لكيته حاضنها... باوعت وخانتني دموعي...

مشيت عل كيفي... وطبيت جوه...

جريت كرسي وكعدت بلمطبخ...

مسحت ادموعي.... هذا الجان اتريدين اشوفي يا ريهام... غبية... غبية... ضليت اضرب عل گلبي... صدك انج غبية...

المن حبيبتي... واحد يحب اختج... اخ.. اخ يا گلبي الغبي... واني لعبالي جان كلومية يجي يشوفني... جان يشوفها الها ويسميني صديقته...

اشكد غبية صدكت بي... وكتلة صديقي...

وكفت... بعد اليوم... مو صديقي... الصداقة تتحول الى عدواة... وصداقتي اتحولت هيج وياك...

طلعت من ثلاجه اكل وكعدت اكل...

محد يهتم لاحد اذا مات... ليش حتى اعقاب روحي... ضليت اكل... والمطبخ ظلمة...

سمعت صوتهم يم الشباك...

ادهم... كملي دراسة علمود اخليج تشتغلين بعياتي..
عندي مختبر كامل ومحللات..

وفاء... ماشي حبيبي...

ادهـم... بصراحة فكرت بشغلة محتاجين سكرتيرة واجت عل بالي اختج نور...

وفاء... هههه. بربك... زباله ما احطها... هي مامكمله حتى اعدادية...

وكعت الشوكة من يدي عل حجيها... ليش هيج تستهزء بنور... اختنه اكبال خطيبها...

وفاء... لا وضف غير وحدة... يمعود كولشي ما تفتهم.. لو بيها خير جان كملت....

كمت من مكاني بلعجل... فتحت الباب

وفاء... هي اطيها بس نون واكل...

بعد اكو حجي عل نور...

جان يندارون... ضلو صافنين...

وفاء... ريهام...

اتقربت وبيناتنه مسافه واكبالنه ادهم...

باوعت بوجهه بغضب... من كلامها