الحب.. المحرم

البــارت 7

صعدت لغرفتي... بديت اقره... لحد اليل...

ونزلت اتعشيت وصعدت..

نمت من وكت لان باجر عندي دوام...

الصبح...

كعدت عل حس المنبه المزعج...

كمت وسويت روتين كل يوم... حضرت روحي... وربطت شعري... ولبست كوت وطلعت...

ام احمد.. صباح الخير حبيبتي

صباح النور عمري... بستها من خدها...

ام احمد... يلا كعدي اتريكي..

جريت كرسي وكعدت اتريك...

ام احمد... اشوكت اتروحين تشتريلج ملابس

مال شنو؟؟

ام احمد... نيالي وين جنتي البارحة لعد... البارحة حددنه موعد الزفه والحنه...

احس سجينه ودخلت بگلبي...

شوكت؟؟

ام احمد... ادهم كال ماريد اطول الخطبة.. السبوع الجاي

السبوع الجاي؟؟

ام احمد... اي

(لهل درجة مستعجل.. يبدو يحبها حيل)

ام احمد... ريهاااام

ها ماما

ام احمد... اشبيج ماما داحجيج

اي اي وياج.. كولي

ام احمد... السبوع الجاي مو تكولين ميكفيني ومالحك اشتري شي...

اي انشالله... اي يوم يصادف؟؟

ام احمد... الاربعاء الحنه والخميس الزفة...

انشاﷲ... سمعت هورن ابو الخط...

اخذت جنتي وطلعت...

صعدت بلخط... واني بغير عالم احس روحي..

ليش هيج يالله... حبيت ومو من نصيبي...

ياربي اطيني الصبر ونسيان... ماريد اي شي ثاني

وصلت للمدرسة... وجان دروس وروتين مثل كل الايام....

وصلني ابو الخط...

ردت افتح الباب... باوعت.. سيارة ادهم...

يعني جوه... اووف ماريد اشوفه..

طبيت عل كيفي... وسديت باب الكراج...

مشيت عل كيفي.. وردت افتح باب المطبخ... اجاني صوته من وراية..

ادهم... ليش هيج تمشين؟؟

انداريت ورفعت راسي.. هلو

ادهم... هلوات.. جان يباوع عل ساعته...
مو كنما متاخره

استغربت من حجيه.. لا عادي مثل كل يوم

ادهم... اممم... اوكي.. يلا صديقتي عازمج عل غده امشينه..