الحب.. المحرم

البـارت 11

نور.. يلا كومي

شتريدين كمت

نور... كعدي خل نتريك... وها صدك سمعت بابا كال حنرجع...

كعدت بلعجل.... صدك شعجب

نور... عنده شغل دكو عليه كلوله ضروري تجي

هاا... اي احسن... ارجع اقره زين

نور... اي يلا كومي

كمت طبيت غسلت وشورت شعري ولبست بدي عريض وبنطرون عريض... كولش احب الملابس العريضه....

خليت شعري محلول... بس كم ماشه خليت...

دانزل الدرج... وشفت وفاء

وفاء... صباااحو

دنكت راسي... حسيت بذنب... صباح النور

وفاء... يلا استعجلي نتريك

ماشي... نزلت وهي راحت للمطبخ...

جريت كرسي وكعدت...

وشفته جر كرسي وكعد اكبالي... وابتسملي...

دنكت وجهي بلعجل...

وفاء... وهاي احلى ريوك...

جابت الاكل وكمنه ناكل...

وين امي وابويه لعد

وفاء... بلحديقة ديتمشون... ها نسيت اكلج ابويه حيرجع اترجعين لو تبقين...

لالا اريد ارجع عندي كومة دراسة...

باوعت عل ادهم ضاج... جان يكول

ادهم... اني هم حرجع عندي شغل بالعيادة

وفاء... بربك مصارنه يومين من اجينة ما تونسنه..

ادهم... شسوي هذا شغل مو لعبة

دايمة...

كملت وكمت...

طلعت برا لكيت امي وابويه...

صباااااحوو.. شلونكم

ابو احمد... هلاا صباحج عسل..

ام احمد... حضري نفسج وكولي لنور هم فد ساعتين ونطلع يكول ابوج... مو تكولن نسينه شي

لالا راح احضر كولشي...

صعدت فوك لغرفه نور...

وشفت نور دتحضر ملابسها...

كعدت يمها... جانت ترتب بجنطه ملابسها

نور... شبيج

مابيه شي

نور... لا يضل بالج عل امتحانات ان شاءلله احلى معدل

ابتسمت من حجيها...

اووووي... شكرا

كمت حضنتها...

وراه ساعتين كملنه ترتب الاشياء لجبناهن...

وصعدناهن بسيارة...