ضحايا الغرق المجهولة

البارت الخامس

الكاتبة حواء ادم

تصعب الحياة عندما يكون الانسان وحيدا فانا ياحبيبي قلب وانت الجسد وما فاأدت القلب من دون جسد احببتك في وقت لم اكن اعلم ان لي قلب لاكن عندما رأيتك بدأت اشعر بقوة خفقانه احبك ❤
༺༺༺༺༻༺༻༺༻༺༻༻༻

فاروق: رجعت من الدوام ودخلت اسبح
كملت وطلعت بس بالشورت وكفت قدام المراية انشف شعري وانتبهت على اثر حرق قديم

• الماضي
جدتي الله يرحمها جانت حيل تحبني ولها السبب ماجانت تقبل اروح لبيت ابوي بعد وافاة اهلي ولان هيه جانت تخاف عليه من سهام وتدري بيها شكد حقوده

اجه ياسر واسمر لبيت جدتي وما قبلو يرجعون يردون مني اروح وياهم

ياسر واسمر:  جده فدوه خلي فاروق يروح ويانه بس الليله

الجده: بعد روحي ياجده شكد حنينين مو مثل امكم الحيه اذا هو يريد يروح وياكم خلي يروح بس اخاف امكم ماتقبل

ياسر: وهو ماسك ايد فاروق لا جده امي تقبل

الحجيه: اذا تقبل جا روحو
فاروق: رحت ويه ياسر واسمر وصلنه البيتهم ودخلنه وسهام كامت وعيونها ناطات كالت وهيه تفح عصبيه هاي شجابك

ياسر: ماما انا جبته يلعب ويانه وجدتي قبلت

سهام: لا والله

ياسر ماما خلينه بس الليله

فاروق: راحت سهام وهيه متعصبه شوي وطگها جلطه ماادري عليمن دخلت لغرفتها وطبكت الباب بكل قوتها الا شوي جا وكع الباب

رحنا لعبنه شكد تونسنا اتمنى ابقى يم اخواني بس سهام ماتقبل صارت الدنيا ليل وسهام ماكو حتى ماطلعت سوت عشه واحنه همين ما صحنه عليها گلنه خاف تطلع وتكتلنه

رحنه للغرفه علمود نام ياسر خطيه فرشنه فراشات شوي واجت سهام كالت
سهام: فاروق تعال

فاروق: هاا خاله شنو تردين

سهام: تعال عندي شغله وياك

فاروق: ضليت اباوع على ياسر وياسر يباوع عليه

سهام بصياح: تكوم لو شلون
فاروق: اجيت رحت وياها ودخلنه بالمطبخ انا كل ضني مسويه عشا بس بدا عكس التوقعته

جانت خالنه السجينه على النار انا من شفت السجينه رجلي بادن من الخوف هاي شنو راح تسوي بيه

سهام: شوف لك انا كم مره كتلك لا تجي لبيتي هاا احجي ماتوب انته بس انا اعرف شلون اتوبك

فاروق: لا هو ياسر كالي تعال وجدتي قبلت

سهام: هيه هاي جدتك ساس البله بس انا اعرف شلون اتصرف وياك ويه جدتك
فاروق: انتي ليش هيج تسوين انا شنو سويتلج وبعدين هذا بيت ابوي وانا لازم اعيش بي