ضحايا الغرق المجهولة

البارت الثالث

أشتقنا لناس كانت سعادتنا ..كانت حياتنا .. كانت كل شئ...
༺༺༺༺༻༺༻༺༻༺༻༻༻
•بعد مرور عدة سنوات

طفل يبجي وهو يدور على امه فجئا هذا الطفل يصير بغرفه ضلمه ويضل يصرخ وهوا ينادي على امه

فاروق: فزيت من نومه مختنق وعرگان استغفر الله

ياسر: خير يابه لا تكول بعد تحلم هذاك الحلم مو صرت رجال عمرك 24 سنه

فاروق: هو انا يمتى بطلت احلم الضاهر هذا الحلم راح يضل العمر كله وياي ملازمني

ياسر: ليش ما سمعت كلام مرت عمي صالح ورحت للسيد يقره عليك

فاروق: وانت ما تجوز من سوالف العجايز سيد شنو شيسويلي وانا شكله احلم بطفل محبوس ويبجي

ياسر: الله كريم كوم خلي نتريك گام فاروق يغسل وانا بالي رجع للماضي ولذاك اليوم المشؤم
• قبل 14 سنه
بيت جدي خبصه وصوت النسوان تصرخ وعراضات الزلم كله رعبه جنه وكتها صغار وهاي الاشياء ترهبنا اسمع جدتي وهيه تكول تيتمو جهالك يكاظم ضلو من دون ابو والثاني لا ابو ولا ام سوده عليه يا جده يا فاروق ما لحكت امك تجيبلك اخوتك ياجده صار وكت الغدا وكامو الزلم يصبون الغدا امي صاحت عليه كالت جيب اخوك وتعال يمي بالغرفه رحت جبت اسمر وفاروق ودخلنه على امي شفتها ماعاجبه الوضع لان جبت فاروق وياي وخطيه هو حس على روحه مسكته من ايدن وگعدتا صح فاروق جان عمره 10 سنوات بس امه جانت دائما معتبرته اصغر من عمره جان كلش فقير ما اعرف امي ليش ما تحبه بدينا ناكل واسمر ابد ولا يسكت سأل امي
اسمر: ماما احنا وين راح نروح من تخلص الفاتحه

سهام: لبيتنه يعني وين نروح

اسمر: ماما وفاروق

سهام: بعصبيه ماادرري

خلصت الفاتحه وطشت الناس كلمن راح لبيته وجدتي بغرفتها صاحت على امي وعمي ومرت عمي خديجه

الحجيه: يمه سهام الفاتحه وخلصت انتي شمقرره ترحين لهلج لو شلون

سهام: لا حجيه انا قررت ارجع لبيتي ماعليه شي ولدي بطولي وثاني شي هذا هوا بيتنه قريب عليكم تريد

الحجيه: مثل ما تشوفين يمه

ياسر: رحنا لبيتنه الجان ضلمه وموحش بعد ما مات ابوي ومرته الاء فاروق جان ويانه وخايف مدري شبي هوا فاروق طفولته كلها هيج الدنيا جانت مغرب امي سوتلنا بتيته گلي وكعدنا ناكل خلصنا وكمنا غسلنا كمنا نلعب بالغرفه الثانيه وفروق ماجان يقبل يكوم بس اخذنا گوه لعبنا شوي وامي كالت يلا تعالو نامو كمنا نريد نطلع لان احنا جنا نام يم امي طلعنا بس من راد يطلع فاروق امي قطعت علي الطريق وكالتله

سهام: هاا وين عيني انت ابقى هنا هذيج الغرفه ما تكفينه

ياسر: بس ماما فاروق يخاف ينام وحده