ضحايا الغرق المجهولة

البارت السادس

بقلمي حواء ادم

هكذا تمضي بنا الايام بحلوها ومرها قد تجعلنا سعيدين وقد لا ولاكن يجب علينا دائما ان نكون مستعدين للتصدي لها والسير للامام لتحقيق اهدافنا ولنكون بقرب من اشتهته ارواحنا 💖🌺
༺༺༺༺༻༺༺༺༻༺༻༺༻
فاروق: رن موبايلي جنت توني جاي من الدوام وتعبان طاكه روحي من الحر فتحت خط

فاروق: 📞 الو الو منو ليش ماتحجون
اريج: 📞اا الو انا اريج
فاروق: هلا بيج اريج خير صاير شي
اريج: الله يسلمك لا والله مصاير شي بس بيبي تريد تحاجيك تكول مشتاقتلك
فاروق: ي والله انا مقصر وياها انطيني ياها احاجيها
اريج: هسه بس شوي خلي اوصل يمها. 
رحت لبيبي
بييي اكعدي هذا فاروق يريد يحجي وياج
الجده: هاا يمه فاروق فدون رحت لهصوت ليش هيج يبعد امك ماتسئل عليه ماتكول
جدتي ربتني وتعبت عليه

فاروق: هلا بيج جده والله حكج شما تكولين بس والله على بالي بس شسوي عندي دوام والتزام مااكدر اغيب انتي شلونج صحتج شلونها

الجده: انا زينه بس اريد اشوفك

فاروق: انشالله الجمعه اجيكم

الجده: هلا بيك جده ي تعال

اريج: سلم على بيبي ونها المكالمه بيبي جانت ماتسمع عدل لذالك تفتح الحاكيه وطول ماجانت تخابر انا استمع لكلامه واكول ليش هيج صوته خشن انا اذكر من جان عدنه مو هيج

من طلع من عدنه وعاش بيت لوحده كان كل مده يجي يشوف بيبي بس دائما يجي بالوقت الي احنا بي بالمدرسه. ماادري ليش صار عندي فضول اشوفه اريد اشوف شلون شكل صاحب هذا الصوت.  يلا ماضل شي على الجمعه
༺༺༺༺༻༺
اسمر: صح انا جنت سنه اولى كليه بس مااعرف دائما احس نفسي مثل الاطفال احس انا بحاجه ابوي وبحاجه امي بس امي فضلت الزواج على الولادها

ياسر جان اذا اخذ قرار ابد مايرجع عنه ومن تعارك ويه امي على موضوع الزواج لحد الان ولا مره حاچاها
ولا يقبل عليه اشوفها مجرد ما افتح وياه الموضوع يتعصب ويكوم

هو شخصيته كلش حلوا ضحوك واخلاق والي بگلبه يضل بگلبه يعني حتى لو عنده شي مضوجه يفضل السكوت وابد ما يحجي

بس انا جنت اروح بين فتره والثانيه اشوف امي واختي تماره واخلي حجتي بتماره مااريد اخلي امي تحس بمشاعري ماادري ليش بس انا هيج جنت اتصرف

مره من المرات رحت ولكيت امي ضايجه كلش ومختنكه سألت تماره كالت متعاركه ويه رجلها كلتلها ليش كالت مااعرف جان بودي اتصرف واروح اخذ حق امي منه بس بعدين گلت خليها مو هذا الفضلته واختارته

رجعت للبيت لكيت البيت هدوء كلش كان محد بالبيت رحت سبحت واخذت راحتي بالبيت اسبح واغني اغنيتي الاحبها ابو الحب لا تعذبني بنار الحب تذوبني
خلصت اجيت البس ملابسي