ضحايا الغرق المجهولة

البارت الثاني

ﻑِ ﺍﻟﺤُﺐ ﻧﻤﺘَﻠﻚ ﭐﺭﻭَﺍﺣﺎً ﭐﺧﺮَﻯ ﻧَﻬﺘﻢُ ﺑﻬَﺎ ﭐﻛﺜَﺮ ﻣِﻦ ﭐﺭﻭَﺍﺣﻨﺎ (: !! ..♥”

༺༺༺༺༻༺༻༺༻༺༻༻༻
الاء: ي رجعت عندج اعتراض

سهام: لا ماعندي بس اكول شعجب هيج ماعندج كرامه يعني

الاء: عفت الكرامه الج انا رجعت علمود ابني.  شويه وانفتح الباب واجو الجهال اول ما دخل فاروق ما شافني جان مبين علي الحزن لحد ما صاح ياسر خاله الاء التفت فاروق عليه واجاني ركض وهو يكول ماما يمتى اجيتي ما شفتج
ضليت ابوس بي وجهال سهام واكفين يمنه جانو حيل حبابين بس سهام ما تخليهم يتقربون مني صاحت عليهم ياسر اسمر تعالو فوتو جوا سمعو كلام امهم ودخلو وانا اخذت فاروق و دخلت غرفتي
فاروق حبيبي شلونك ماما جوعان تريد اسويلك شي تاكله

فاروق: لا ماما ما جوعان بس انتي ليش رحتي وخليتيني امي سهام تصرخ عليه دايما اذا كلتلها جوعان

الاء: سوده عليه حبيبي بعد ما اخليك خليته بحضني على مانام وخليته على فراشه كمت فتحت جنطتي ورتبت ملابسي بالكنتور ونضفت الغرفه لليل وسمعت الباب اندك راحت سهام تفتح رجف گلبي من سمعت صوت كاظم اجه ماطلعت من الغرفه وهو راح سبح و تعشه وكال

كاظم: انا رايح اسلم على امي

سهام: براحتك عيوني الله وياك
~~
بيت الحجيه

الحجيه: هلا بيك يمه شلونك

كاظم: الله يسلمج حجيه بخير دامكك بخير

الحجيه: زين تسوي من اجيت رايدتك بسالفه

كاظم: كولي يمه خير

الحجيه: يمه اذا تحبني وماتريد تزعلني منك بعد لا تزعل مريتك الاء وهاي انا واخوك رجعناها وهمه لخاطر وليدك لا يتبهذل

كاظم: بحسره انشالله يمه التريدينه يصير

الاء: من بعد ما راح كاظم رحت للمطبخ سويتلي عشا وتعشينه انا وفاروق ورجع فاروق نام جان بيومها عنده صخونه خفيفه ودايخ فرجع نام سوده عليه كلش اضوج على فاروق واحس بالذنب تجاهه رغم مجان الي الذنب بشي كله من وره سهام ما تخلينه نستقر حتى لو كاظم يصير زين ماتخلي شويه وانفتح الباب ودخل كاظم

كاظم: السلام عليكم

الاء:  وعليكم السلام كمت وكفت كاظم كال ابقي كاعده واجه كعد يمي جان مبين بعيونه الندم على السواه بيه مد ايده وخله شعري وره اذني وباسني كال اسف طبعا انا جنت متصنمه بمكاني لان صارله شكد كاظم ما داخل لغرفتي لان سهام تزعل وهيه حتى هسه ماتدري بي يمي عبالها بعده بيت الحجيه كال خلينه انام كتله يلا نمنه وكعدت الصبح لكيته بعده نايم اخذت ملابسي روحت للحمام لكيت سهام كاعده بالصاله ومبين الشر بعيونها

سهام: وين كاظم

الاء: نايم

سهام: اكيد البارحه ترستي راسه عليه لهذا السبب ما اجه نام بغرفتي