ضحايا الغرق المجهولة

البارت الرابع

الكاتبه حواء ادم

༺༺༺༺༻༺༻༺༻༺༻༻༻
فاروق: جانت اكو طالبه ويانه كلش عاجبتني بس ولا مره حجيت وياها ولا بادرت باي فعل البنيه جانت كلش خجوله ومؤدبه ولا مره شفتها وكفت ويه شباب جنت مرات اشوف صديقاتها يحجن ويه الزملاء هيه تعوفهن وتكعد بالكافتيريا وهذا جان اكثر شي عاجبني بيها من غير جمالها الطاغي ياسر جان منتبه عليه ودائما يبسمرني

من دخلنا للقاعه شفتها وابتسمت لا اراديا ضليت صافن عليها وهيه ولا يمها جانت صديقتها منتبه عليه وهيه لا

ياسر: هيي الو نحن هنا

فاروق: وسم شرايد

ياسر: شاك بيك اعترف شعندك وياها

فاروق: سد حلكك ماعندي شي وياها بعدين هاي البنيه

مو من هذا النوع

ياسر: اذا عاجبتك روح واعترف الها ليش مخلي بگلبك احسن ما يجي واحد وياخذها منك
فاروق: عوفنا من هذا الحجي اجه الاستاذ
༺༺༺༺༻༺༻༺
بيت صالح
ام ريتال: ريتال كومي ماما الساعه ب 11 شوي ويجي السايق كومي ياا ولج ويامن احجي انا

ريتال: كايمه ماما اريج وين

ام ريتال: احسن منج كاعده من الصبح وساعدتني هاي عود انتي الجبيره

ريتال: اهوو ماما بدينه ادري ماتملين من هاي السالفه اروح اغسل واحضر روحي احسلي
هلو انا ريتال البنت الكبيره لصالح عمري 18 سنه صف سادس

الكل يكلي مشكلجيه وام السان بس انا اشوف روحي العكس بالنسبه لشكلي الحمدلله مقتنعه بنفسي يعني شكلي حلو بيضه وعيوني كبار وطولي حلو مو قصيره ولا طويله وسط هعع كلش متواضعه

اريج: صباح الخير هستوا كعدتي صح النوم
ريتال: هيه امج تخلي الواحد ينام

اريج: خلص وكت النوم وبده وكت المدرسه يعدين انتي مو سادس لازم تدرسين اكثر

ريتال: يمعوده مالي خلك هوا انا بس خلي الكالي عريس اله اركع المدرسه بمية نعال

اريج: والله عليج عقل دكومي بدلي وانا همين رايحه ابدل ملابسي
هلو انا اريج البنت الثانيه لصالح عمري 17سنه صف خامس علمي احب دراستي كلش حلمي اصير مهندسه
الكل يحبني لان هادئه وماعندي مشاكل ههه حتى لعنده مشكله وياي اعوفه كلش اخاف من المشاكل بحيث ولا مره تعاركت ويه بنيه بالمدرسه

بدلنه ملابسنه واجه علينه السايق ابو حسين طلعنا من البيت مستعجلات ابو حسين خبصنه من كد دك هورن بس اختي ريتال ما قصرت رزلته رزاله معدله
بالرغم من هو رجال جبير بس بعد ريتال محد يكدر على لسانها ماترحم لاجبير ولا صغير ههه
༺شمسين: كعدت الصبح كلعاده متاخره بسرعه بدلت ملابسي لبست لبست تنوره بيتصل وقميص ابيض وحذاء رياضي ابيض وشال ابيض طلع كلش حلو لكيت خالتي مسويتلي لفه خطيه اخذتها منها وطلعت مستعجله صاحت عليه