ضحايا الغرق المجهولة

البارت السابع

الكاتبه حواء ادم 💖
لن تموت اذا خسرت من تحب لكنك ستعيش كالميت إن خسرت كرامتك
༺༺༺༺༻༺
شمسين: نطن عيوني من الصدمه شنو جايبلج عريس شنو شكد عمرج انا دائما جنت راسمه احلام بعقلي انو اكمل كليتي واتزوج فارس احلامي الي انا اختاره
بس خالي اليوم صدمني

عدي: ي شكلتي خالو انا اكول وافقي هاي القسمه ماتفوت

شمسين: بس ياخالي انا اريد اكمل دراستي واخذ الشهاده واعتمد على نفسي

عدي: هذا الحجي ما يوكل خبز وشنو تفيد الدراسه يعني علمود الوضيفه اصلا ماراح تحتاجينها كتلج الرجال جيبه متروس

شمسين: ليش تحجي هيج خالي صح احنا ندرس ونتوضف بس التعليم ما مرتبط مصير بالوضيفه يعني اذا ماكو وضايف احنا ما ندرس هذا مو منطق بعدين هو وين شافني منين عرفني

عدي: الرجال يعرفني ويعرف عندي بنت اخت مربيها انا اكول لا تظيعين الفرصه من ايدج مثل خالتج وهل هاي هيه حمضت على گلبي اقبل واستري على روحج

شمسين: خالي ردلهم خبر انا ما موافقه وهذا قراري النهائي
رحت وتركته وانا اغلي من الداخل يريد يزوجني والله خلي اروح اگل البيبي توكفه حدا
رحت لغرفه بيبي لكيتها تصلي وهيه كاعده على كرسي الصلاة كلش ضجت عليها ربتني وكبرتني
وهسه هيج صارت جبيره وتعبانه
رحت بست ايدها وكعدت يمها

كلتلها بيبي تعاي شوفي خالي جايبلي عريس

كالت وانتي شرايج
كلتها ما موافقه كالت هذا هو
كمت وبستها براسها الله يخليج الي ويطول عمرج

ام وداد: يمه وداد تعاي
وداد: نعم يمه
ام وداد: صيحيلي اخوج
وداد: حاضر

عدي: هاا حجينه وداد تكول رايدنتني

ام وداد: ي يمه شنو هذا الحجي السمعته شنو جايب عريس لشموسه

عدي: ي يمه كون تشوفينه يخرخر فلوس

ام وداد: شوف يمه ماطول انا عايشه وبيه نفس شموسه ماتتزوج اله وكت ماتحب ثاني شي احنا ما ندور فلوس ومصالح مفهوم

عدي: بس يا يمه والله....
ام وداد: لابس ولاشي هذا الموضوع ينسد
༺༺༺༺༻༺
ريناد: بعد اخر مره اتصل بيها ياسر حفضت رقمه يمي بس هو مارجع اتصل واصلا ليش
حتى يرجع يتصل شكو مثلا
رحت بدلت علمود اروح للمعهد اخذ دروس تقويه بعتبار انا سادس امي كالت كملي اخذج بطريقي اريد اروح لبيت صديقتي

طلعنه اخذنه تكسي وصلتني امي لباب المعهد وكالت لو خلصتي اتصلي علي وراحت هيه لبيت صديقتها
دخلت للمعهد وسلمت على صديقاتي وبده الدرس
لحد ما خلصت طلعت بره ردت اتصل على ماما

بس اجت سياره طبكت كدامي كام يدك هورن ونزل الجامه
ياا هذا ياسر بس شعنده
ياسر: سلام شلونج بنت عمي