للكاتبة حواء ادم
༺🌺༻༺🌺༻༺🌺༻༺🌺༻༺🌺
ريناد: دخل ابوي مثل العاصفه عليه بالغرفه وتشبيهي اله بالعاصفه اجه علي بالضبط شلون العاصفه لو صارت راح تتسبب باضرار ابوي هيج جان مبين علي وخاصه بعد الكلام السمعته منه من كال
وين هاي الساقطه
ريناد: بخوف بابا شبيك منو هاي الساقطه
صالح: اختج العار وينها اليوم اذبحه واشرب من دمه احجي وووين
ريناد: اجت اريج ويه تمشي ب بيبي هو رأستاً
هجم عليها وسحلها من شعرها واحنا گبينه باصراخ ابد ابد ما انسه هذا الموقف والرعب العشناه
سحلها من شعرها وهيه تصرخ واحنا نصرخ انا وماما انريد نفلتها من ايده ماكو بيبي تصرخ وتتحسب على ابوي وتكله
الجده: حسبي الله ونعم الوكيل بيك والك عوف البت شسوتلك
صالح: انا بعد هذا العمر والشيب تارس راسي هيج يصير بيه سمعتي تصير على كل السان والج ليش بشنو قصرت وياجن شنو غلطي وهيج تعاقبيني
اريج: 😭 بابا والله ما مسويه شي والله بس فهمني شنو سويت
صالح: والج ارقام مو رقم صارلهن مده يراسلني ويتهمونج بشرفج والج حقيره وانا مثل الحمار اكول لا هاي بنتي اريج ما يطلع منها هيج
بس اليوم وانا اشوف صورج تحجين ويه الشباب بباب المدرسه تاكدت انو كلامهم صح وانا الماعرفت اربي
بس لا ما راح اخليج تنزلين راسي الليله اذبحج واشمرج للجلاب
ريناد: بعد كلام ابوي الي نزل مثل الصاعقه على رؤسنه امي ضلت تلطم وتملخ بروحه وتكول سوده بوجهي انفضحنه تخزينه بين الوادم
وبيبي اجت على ابوي ورادت تضربه بالعصا وهيه تكول
تف على شاربك ولك هاي بنتك تصدك بالغريب وتجذب بنتك اسمعها بالاول
بس الضاهر ابوي ناوي الليله يخلص على اريج ضلينه نحاول نفكها من ايده بس هو ابد قافل
اخذها سحل للغرفه والدم يجري من خشمها شمرها باب الغرفه وقفله عليها
وصاح على امي تعاي وين المسدس
من كال هيج ابوي ضليت اصرخ واتوسل بي حتى رجله بستها بس هو ابد رافض انو يسامحها ماادري شنو شايف عليها
امي ردت علي صالح فدوه اروحلك بنتك هاي شلون تريد تسوي بيها هيج
ابوي ضرب امي راشدي ولف شعرها على ايده
وكال
وحق هو الله اذبحج انتي وبناتج ثلاثتجن واذبجن بالبر تحجين وين خاله المسدس لو اخليجن وياها
امي ابد ما تنازلت وعلمت بابا على مكان المسدس
كال
بسيطه انا اعلمج انا راح اروح واطلعا واشوف شلون توكفين بوجهي
༺༺༺༺༻༺
اريج: انا ما مستوعبه الي كاعد اشوفه واسمعه معقوله انا يصير بيه هيج ويحجون بسمعتي بالباطل ما تصدكون حتى الضرب ما حسيت بي من كد الصدمه
أنت تقرأ
ضحايا الغرق المجهولة
ChickLitروايه جميله 👌🏻 بقلمي انا حواء ادم باللهجه العراقيه قصه تحتوي على الكثير من التشويق تتكلم هذه الروايه عن مجموعه شباب تلعب معهم الحياة لعبتها منهم من يقاوم ويصبح ذا قوه ومنهم من ينكسر ويخذل تحت مسمى العادات والتقاليد
