ضحايا الغرق المجهولة

البارت العاشر

للكاتبه حواء ادم

المواقف البسيطه من الشخص الذي نحبه ونتمنى قربه تكون ذات اهميه لدينا سواء كانت مواقف سعيده او حزينه سوف تبقى مرسوخه في عقولنا فرفقاً بقلبي يا محبوبي
قراءه ممتعه ولا تنسون التصويت والتعليق بين الفقرات وهسه روحو اقرو عسلاتي 💖🌺
༺🌺༻༺🌺༻༺🌺༻༺🌺༻༺🌺

نور: ضليت صافنه بوجه الدكتوره ما مستوعبه الي حجتا

الدكتوره: كولو ياالله خلي تطلع نتيجه المفراس ونتاكد احتمال اكو خطا

نور: اخذتني الصفنه لغير عالم مصدومه من كلام الدكتوره احس بفراغ صار براسي و صوت صفير صار باذني الدكتوره تحاول تخفف عني بس وين انا احس وصلت لنهايه حياتي ابد ما جنت متوقعه اني اموت موتت اختي وهذا هو السبب الجان مخليني متاكده اني راح اموت لان اختي الله يرحمها ماتت بنفس المرض

امي ضلت تبجي وتلوم على نفسها بس هيه شنو ذنبها هذا قضاء رب العالمين صار عندي هدوء مو طبيعي امشي وانا ساكته ما نطقت بحرف

وامي ماسكه بايدي وتبجي جانت كلش منهاره وكل شوي تكول لا تخافين هسه اسفرج للخارج واعالجج
وصلنه للبيت لكينه ابوي واخواني موجودين انصدمو من شافو حالت امي انا ضليت على سكوتي وماحجيت او بالحرى سكوتي هو المصيطر عليه خليتهم ودخلت لغرفتي

نزعت شالي باهمال وشمرت الجنطه على الميز وكفت كدام المرايه ضليت اباوع على روحي واتلمس وجهي معقوله هذا حدي من الدنيا راح اموت مراح اعيش اكثر من هيج مراح اكمل حياتي ويه الانسان الحبيته

مراح اعيش ويه اهلي ولا هم راح يشوفوني كل يوم مثل ما متعودين هه جانو ما يقبلون اتزوج واعوفهم بس هسه الموت غصبا ما عليهم راح يفرقنا ضليت ابجي وابجي لحد ما عيوني ورمن
انفتح الباب ودخلو بابا واخواني والحزن طاغي على وجوهم كعد بابا وخلاني بحضنه واخواني حواليني ما كدرت اكض نفسي نهارت بالبجي وكلهم بجو وياي

ضلو يصبرون بيه وكالو راح نسفرج للعلاج بالخارج بس خلي تطلع نتيجه المفراس ونتاكد

بعدين طلعو من يمي وكالو ارتاحي بس وين ارتاح اني بعد هاي الصدمه اخذت موبايلي واتصلت بصديقتي رهف كالتلها اذا تكدرين تعاي وخطيه صدك اجت وحجيتلها السالفه وصدمتها ما قلت عن صدمت اهلي

وانا كاعده احجي وياها اتصل فاروق من شفت الاسم حسيت عندي هم شلون راح اكله رهف كالت ردي بس مارديت ماجنت اكدر ارد واحجيله واكله انو انا راح اموت واعوفه والي جان يسميها القوه مالته ماكو كم يوم وتموت كلش جانت صعبه عليه

كلت الرهف انا راح انتضر نتيجه المفراس واسافر للخارج وطول هاي المده ماراح اداوم وحتى مراح احجي شي لفاروق وانتي همين لا تحجين شي واصريت عليها .
༺༺༺༺༻༺
فاروق: صار كم يوم نور ما تداوم وحتى ما ترد على اتصالاتي اخر مره اتصلت عليها ردت بس حسيتها من دون نفس عكس كل مره كلها طاقه وحب من سألتها شبيج كالت مريضه ومااكدر اداوم عذرتها