ضحايا الغرق المجهولة

البارت الثالث عشر

للكاتبه حواء ادم
تصويت للبارت ورايئكم بي
༺🌺༻༺🌺༻༺🌺༻༺🌺༻༺🌺

اريج:

الشعور بالذنب وانته ما مسوي شي كلش صعب وخاصه انو همه جانو شايفيني انا السبب بموت بيبي  لو بيدي انطي من عمري على عمرها وهذا قضاء رب العالمين هذا المنطق والي جنت اقنع نفسي بي

جنت محبوسه بالغرفه وجسمي يصل عليه من الوجع سحلت روحي بالكوا وكمت اشوف روحي بالمرايه ياريت ما كمت شفت وجهي وانرعبت جوا عيوني ازرك وشفتي مشكوكه والدم يابس على حنجي

بجيت بصوت وانا احاول اكتم بجيتي واسأل روحي
ليش شنو صار انا شنو سويت انضرب كل هذا الضرب على شي ما الي دخل بي ولا عمري فكرت اسوي

ليش ومنو عنده مصلحه هيج يسوي بيه فجاءه احتل البيت صراخ مو طبيعي وكأن واحد مات الله يستر رحت خليت اذني على الباب علمود افتهم السالفه وهو اصلا ما حاجه اخليها على الباب  الصوت جان عالي بس صراخ ما مفهوم سببه

زاد الصراخ من اصوات مااعرفها احس رجليه صارن خيوط من سمعت وحده صاحت راحت الغاليه ام صالح انا هنا انهاريت انهيار مو طبيعي نسيت الوجع البيه بس اريد اطلع واشوف السمعته صح

ضليت اضرب بالباب واصرخ افتحو الباب والله اكسره افتحو

فجاءه انفتح الباب وفات عليه ابوي لابس اسود وملثم كال

صالح: حسج مااسمعه البيت متروس ناس

اريج: بابا شنو صار بيبي وين

صالح: صوتج مااسمعه كتلج امي ماتت بسببج ما كفاج العار السويتي وهسه جدتج ماتت بسببج

اريج: لا بابا لا تكولها انا مااكدر اعيش من دون بيبي فدوه خلي اشوفها

صالح: انتي راح تبقين هنا بالغرفه لا تطبين ولا تطلعين لحد ما تخلص الفاتحه واشوف شلون اتصرف وياج

اريج: بابا لا تسوي هيج والله ما مسويه شي

طلع ابوي ورجع قفل الباب بس هاي المره شيصبرني سوده عليه يابيبي ماتحملت الصار

ضليت كاعده وابجي ماادري الليل من النهار الغرفه جانت من دون شباك

دخت من البجي  غفيت شوي بس كعدت مرعوبه من صوت الزلم وهمه يصحون

لا اله الا الله  لا اله الا الله
༺༺༺༺༻༺
ريناد:
ماتت بيبي والبيت انقلب من صريخ من بجي بس اكثر موقف رعبني لمن جابو التابوت وفاروق وياسر شايلي جان موقف يقشعر البدن منه همه دخلو للبيت والنسوان زادن بصريخهن  الكل يبجي ابوي والشباب وامي

عماتي جانن بغير محافظات لذالك طولن كم ساعه علما وصلا

اخذو التابوت وطلعو بي للنجف واحنه ضلينه بالبيت وهيج استمرت الفاتحه ثلاث ايام بين بجي وصريخ