طفولـة مُظلِمة
بقلمي : تبارك محمد .
قصة عشگنا أنتهّت
لا بينه رجعه بَعد
لا بيه حيل اعفي
ومن وادعيتك بهت لوني
ورجف چَفي
خليت بية جَمُر ،والوادم تهفي
وزيدوا ناري حطَب
بـــس محد يطفي !
________________________________
زهرة : گاعدين آنا والحبيبة امي ناكل معمول ونشرب شاي
كاعدين على ضوة الشمس ونتناقش
هالفترة آنا ما افارگ امي
حتى مــن تنام انام بآحضانها
اريد اعوض عن سنين الفقِد ..
فزيت مــن صفنتي على صوت الوالدة وهي تقترح علية :
فليحة :يمة زهيرة آنا اقترحت على اخوتچ نروح على بيت خالكم درع
عبن هو مريض سودة علية وحالته مو تمام
وگلت آخلي نمر ياخذنا و نروح نسير على الانبار
هم نشوف خالچ وهم تشوفون الانبار وتغيرون جو
زهرة : فرحت ورحت گرصت خدودها ..
اي يمة نروح أكيد هذا خالي من ريحة الغالية
وهم اريد اتعرف على مرت خالي وبنياته ..
فليحة : خوش يمة عود ارجع أكول النمر
هم عسى ولعل يروح يغير جو ويخفف مــن حزنة ولو شوية
هو ما يبين گبالي بـــس آنا احس بيه بعده متلوع ويكتم بگليبه
زهرة : اي يمة هو اخوي مــن الصغر
چان اكثر واحد متلوع عليچ بـــس ما يبين
يصعد يفرغ حزنة وينزل يضحك بوجههنا ويصبرنا كُلنا
نمر يكتم بداخلة وهذا أكبر غلط ...
فليحة : عمت عيني عليك وليدي
ان شاء الله ياربي ترزقه بنت الحلال اللي تعوضه عن كُل حزن وهم
زهرة : اللهم امين يارب ،
________________________
سمر : گاعدة بـ ملل مثل أيامي الخاليِة مِن الحياة
احس حياتي وقفت هنا
مجرد اقضي يومي نوم في سبيل اخلص مــن حرب افكاري وذكرياتي..
يوميا وقت الفجر ادعي مــن ربي يرزقني النسيان
وأگدر اطلع حبة مــن گَلبي ،
لَكن هيهات آنا والنسيان مااضن نتلاگه بـ يوم ..
بـ ابسط الاشياء يمُر ببالي
شوقي دفعني ورحت للأرضي (الجوال )
رفعته ودگيت رقم بيت اهل نمر
وبقيت استمع وآنا متوترة !
يارب يجاوبني هو بـــس اسمع صوتة وبس !
وبالفعل اجاني صوتة وهو يتنهد ويحچي ...
نمر : الو ؟منو وياي ؟
سمر : بقيت ساكتة ما حبيت ارُد
خليت ايدية واحاول اتماسك واسيطر على دموعي اللي بدأت تتجمع بـ عيوني
صدمني وهمس ..
نمر : سمرة ؟ لو آنا متوهم
ولو آنا محبوبتي ما اتوهم بـ شي يخصها ..
سمر : والدموع اطلقت عِنانها
تجدد علية الشعور اللي مــن اشوفه احس گلبي يبدأ يرفرف ..
شلونك نمر ؟
نمر : حلوو تسأليني عن حالي سمرة؟
حالي هواي متدهور
وگلبي مِن الفراگ شيب ..
زدتيني فوگ همومي هم چبير
بحبچ صعدتيني للسماء
وبيوم وليلة ارتطمت بالارض بسبب فراگچ ...
عفتيني وآنا تدرين احتاجج بحياتي حاجة الطفل للأم
وگلت خلها تشوف حياتها سمرتي يجوز الله كتب الها الاحسن مني
وترجعين تسأليني عن حالي ؟؟
أنت تقرأ
طفولة مُظلِمة
Teen Fiction# مقدمة بقلمي :تبارك محمد ✍🏻 ليلة واحِدة مُظلِمّة ، كانت كفيلة أَن تُظلم طفولتهُم بالكامل ، قلب طفل حنون ،اصبح وحش كاسر يظلُم بلا تردُد، كُل هذا بـ سبب ليلة واحِدة مُظلِمة ، ف الى اي مدى سيلاحقهُم كابوس تلك الليلة ؟ في احدى البيوت العراقية المُتأٓ...
