طفولـة مُظلِمة
بقلمي : تبارك محمد ،
كون تنباع السوالف ..
شكو حچايه تحبها
آروح انه اشتريها
وأشتريلك كُل أحبَك
بايته بحلگ اخرس وما حاجي بيها ،
_______________________________________
زهرة : گاعدة بـ فاتحة جدي (ابو أبوي ) الله يرحمه ،
مخليه ايديه على خدي وصافنة على الأرض ..
وصارت تمر گبالي كُل ذكريات طفولتي
وكُل مواقفه ومداراته النا ..
-اتذكر مــن عرف بـ نمر يشرب الخمُر
وهو ضل مريض مــن القهر
واسمعه تالي الليل يصلي ويبچي ويدعيله ان ما يضيع بـ درب الحرام
وربي يهديه على الصالح ،
-واتذكر لما چانت جدتي تحجي علية وتريدني اعتمد على نفسي
جان هو ما يرضى انا اتعب ايديه
ويلزم ملابسي بـ عز البرد ويغسلهن بـ ايديه
ويكلي لما احد يسألج كولي انا غسلتهن لا تكولين جدي ،
-تذكرت مواقفه كُلهن وروحة الطيبة
وكذَلك مُظهر تبين حنيته بـ وقت الجَد
بحيث انكسر اخوي وهاي ثاني مرة اشوفه بـ هذا الوضع من بعد وفاة جدتي حسنة ،
-لـ درجة نفر مــن الكُل حتى مــن خطيبته اسمهان
وقرر أانّ يأجل زواجة لـ بعد السنوية ..
-بـــس البچي والحزن ميرجع المات
الله يرحمه ويسكنه فسيح جناته ،
_____________________________________
Journey into the future
(مشهد مــن المستقبل )
ليلى : اصعب شي بالدنيا مــن الانسان ينكسر وينظلم مــن اقرب بشر الة
مــن انت تشوف هذا البشر سندك الوحيد بالدنيا
وتكول لو مالت بية دنياي اشد ظهري بيه
البني آدم لو صاح أخ ..
ينتچي اعله آخوه ..
لَكن اللي عندي هو اللي كسرني وحطمني ..
-كاعدة ابچي بكُل كسرة وحيل مهدود
واحظر اغراضي بالصُرة مال ملابس (جنطة مــن قِماش)
ولابسة الكوستم الابيض ..
وانتظر اللي اسمه زوجي يجي ياخذني !
واروح لـ حياة ثانية منتضرتني ...
ما اعرف حلوها مــن مُرها !
-اجاني اخوي وطبطب على كتفي
ومبين جيته نِفاق لا اكثر ولا اقل !
لان لو حاس بـ غلطه چان نهى كُل شيء
بـــس الظاهر هم هو مثل نمر
راد يتخلص مــن ليلى بـ اي طريقة كانت
ويزيلها مــن حياته بشكل نهائي !!
-ليلى ادري بيج اخيتي العاقلة تربية امي
وراح ترفعين راسي اكيد جدام زوجج
وهو رجال جبير واخلاقة عالية لا تخافين ولا تشيلين هم
يعني مو مثل نمر طايش وكُل همه نفسه لا
راح تشوفين الفرق هاي المرة وتجين تتشكريني على هاي القسمة،
ليلى : كمل كلامة ولو ما مسمعني هالكلام هم احسن ..
-اي يـ خوي لا تخاف لا ارفع راسك ولا انزل راسك
ووعد بعد وجهي ما تشوفه نهائيآ
وما راضية عليك وحقي اخذه منك گبال ربي ..
أنت تقرأ
طفولة مُظلِمة
Teen Fiction# مقدمة بقلمي :تبارك محمد ✍🏻 ليلة واحِدة مُظلِمّة ، كانت كفيلة أَن تُظلم طفولتهُم بالكامل ، قلب طفل حنون ،اصبح وحش كاسر يظلُم بلا تردُد، كُل هذا بـ سبب ليلة واحِدة مُظلِمة ، ف الى اي مدى سيلاحقهُم كابوس تلك الليلة ؟ في احدى البيوت العراقية المُتأٓ...
