طفـولة مُظلِمة
بقلمي : تبارك محمد 🖊️
_أمَس بالليل طيفك مر بالعيون
كعدت وياك سُاعة وعاتبيتلكّ
فجأة وراح طيفك
وفزت الروح كُلبت
الليل كُله وما لكيتك !
_________________________
عام 1990
نمر : دخلنا سنة جديدة
واليوم صارلي سنتين ما لامح امي
سنتين وانا احضن ب عباتها ،شيلتها ،الا هي !
مشتاگ الحنانها بكد رحمة الله
اتذكر صوتها الحنين الدافي
بـــس هي ماكو !
سنتين وانا اعيش صراعات داخلية
كبرتني مــن عمري 100 عام عبالك
اليوم انا عمري 10 سنين بـــس انمحت الروح الطفولية بداخلي
ادمنت التدخين وصدري اتدمر لأنني صغير السن
والتدخين مضر للكبار عاد مو انا
صرت مانام الليل نهائي
وشلون انام الليل وانا فاگد ام
ماعــرف اي خبر عنها
وما اتجرئ اسأل ابوي
خاف لا نتلاطم انا وياه
تذكرت موقف اليوم لما وصلت زهورة و سمر !
اآآه يا سمر ...
اللي لما ينذكر طاريها گلبي يصير يرف
وكأنها نفس طاري امي بالضبط
شنو سر الموضوع مااعرف
معقولة گليبي كاعد ينبض ب شي اسمة حب
البنية صغيرة وانا صغير العمر كدامي
ومن بعد تفكير طويل
بعيونها الناعسة ،بـ لونها الخمري
اختم تفكيري واستغفر الله واكول لا
خليني بعيد عنها بعدني صغير خليني حاير بـ هم امي
وشلون اوصل الها
انا ويني ووين الحب ؟
زهرة :دخلنا سنة جديدة
ومرت ابوي ولدت وصار عندي اخ جديد
سميناه عبدالله
جنت جدآ فرحانة بيه ورغم مرت ابوي ما تقبل نتقرب الة
خوفآ ان نغار منة او نأذيه
لَكن بالخطف مرات ابوسة واشمة
وعلاوي يضل يبجي ويكول راح تكومين تحبيه اكثر
زهرة :لا احبك انت اصلا انت اكثر واحد ب اخواني احبك
انت ابني مو اخوي اصلا
مظهر :عشتو ام زنابير علساس احنا ميتين على حبچ
زهرة : يااااع انا ام زنابير ؟
وركضت وراه بالعودة مال ماسحة اريد اربيه مــن جديد
وهو يصيح ويستهزء
مظهر : يمعودة گوة سيطرتي ولميتي هل كفشة
لا تركضين لا توگف علينا مــن جديد الدنيا غروب
خطية لا يفز عبد الله
زهرة : شلت العودة وقنصتها عليه حتى يتعلم
بـ لمحة بصر وخر عنها ووكعت على الشباك ومااسمع غير صوت تفليش الجام
ياابوويه يا زهرة جنتي خوش بنية الله يغفرلج
اخذت علاوي ورحت اركض ختلت بالحمام الخارجي
وطلعت جدتي تصيح ومفرفح كلبها
حسنة :تعاي يالغمة هو أنــتِ كل خير ما بيچ
نوب تريد تهجمولي البيت واللــه اليوم لأكسر ايدينج الطويلة العملتي بيها هالعمايل
مظهر : بدأ يتمسكن :
اي واللــه يمة شفتيها شلون
تدرين هيه جانت تريد تضربني بيها مدري تريد تكسرها علية
چــان هسه وليدچ مشكوك راسة لو مغمي عليه
أنت تقرأ
طفولة مُظلِمة
Teen Fiction# مقدمة بقلمي :تبارك محمد ✍🏻 ليلة واحِدة مُظلِمّة ، كانت كفيلة أَن تُظلم طفولتهُم بالكامل ، قلب طفل حنون ،اصبح وحش كاسر يظلُم بلا تردُد، كُل هذا بـ سبب ليلة واحِدة مُظلِمة ، ف الى اي مدى سيلاحقهُم كابوس تلك الليلة ؟ في احدى البيوت العراقية المُتأٓ...
