طفولة مُظلِمة

Part 17

طفولـة مُظلِمة

بقلمي : تبارك محمد ،

أنتَ أنـتَ
وگلبَك الما مرة حّن
وشنو الـ أصعب ؟
لمن أنت بعز شبابك ..
تباوع أيامك على الما مش جزِن
كبرتني بگد توابيت الوطن ،

___________________________________

زهرة : كاعدة مخلية ايدية على راسي وحايرة
ياربِ رحيق بعدها صغيرة شلون راح يجيني طفل ثاني بالطريق ؟
وانا احس مو كد مسؤولية الطفل
المسؤولية كُلها واكعة بـ راس ذياب ،

-ذياب مــن بعد ولادتي وصارت ببينا طفلة
تغير تغيير جذري وصار انسان ثاني ،
ورغم تقصيري حتى بـ امور المنزل
لَكن هو ساكت وعاذرني ..

مــن بعدها رحنا لـ بغداد سياحة
واقترح علية ان اكو دكتورة مضبوطة بـ بغداد تسوي سونار
وتكدر مــن خلال السونار تعرُف جنس الجنين
بحكم أنَ انا حاليآ بـ شهري الـ 6
توكلنا على الله ورحنا وجانت رحيق باقية عند بيت اجدادها ،
وهو كُل دقيقتين يتحسر ويگول ..

ذياب : لـيش ما خليتينا نجيبها ويانة وانا اشيلها واتحملها
وردة ابوها مكانها خالي وكلبي باقي يمها ..

زهرة : فدوة لكليبك الحنين
لا تخاف هي بـ آيادي أمينة ..

ذياب : زهرة اريد اصارحچ بـ موضوع بـــس لا تزعلين
ما اريد تشيلين بـ خاطرچ مني بـــس دا انبهچ بـ حكم انا زوجج ،

زهرة : كول مستحيل ازعل منك آنا

ذياب : منتبه عليچ من اول ما ولدتي
أنــتِ تحبين رحيق اعرفچ وكلبج ماكو احن واطيب منة
لَكن احسچ ما الج خلگ لـ مسؤوليتها
وما مهتمة الها الاهتمام الكافي
لـيش زهورة قابل احنا عدنا العشرة ؟
وراح يجينا طفل ثاني ورحيق بعدها صغيرة اريدچ تشدين حيلچ ،

زهرة : دنگت راسي بـ خجل :
الصراحة انا منتبهه على نفسي انا مــن عمري 8 سنين وانا شايلة مسؤولية اخوي علاوي ،
بـــس حاليآ ماعــرف شنو اللي صايرلي وصرت مُهملة ،
وكلامة جد ..
جاوبته بـ أسف ..

-صح ذياب حقك وكلامك جد
ان شاء الله راح احاول احسن مــن نفسي
وجهالنا بـ نص عيني واللــه ،

ذياب : اي عفية سالمة عيونج ،

زهرة : وصلنا الدكتورة ودفع فوگ المبلغ حتى يدخل وياي ،
دخلنا والدكتورة سوت الاجراءات وخلت السونار على بطني
بقت عيونها على الشاشة اللي خلفي ،
وراها حچت بـ ابتسامة مُريحة

-الف مبروك حبيبتي راح يجيكم ولد
هذا اول طفل الكم ؟

زهرة : الفرحة ما شالتني مــن سمعت هيچ
ياربِ راح يجي حبيب امة
راح يصيرلي عون وسند ..

ذياب : الله يباركلچ دكتورة
لا هذا الثاني عدنا بنت عُمرها 10 شهور

-الطفل وضعة تمام
والام كذَلك وان شاء الله بالتمام والكمال،