"الجلوس مع شخص أكبر منك والحديث معه أمر رائع حتى لو اختلفت الآراء..."
-إيناس يلا علشان رايحين لجدوا النهارده ومش عايزين نتأخر.
إيناس:جاية بسرعة يا ماما أنا مبسوطة أوى إن احنا رايحين من زمان ما حكاليش حكاياته أيام الشباب.
-هههههه إنتِ بتحبى اللمة والحواديت وهو زيك طول عمره يحبها..يلا خُدى الكيس ده حطيه فى الشنطة واوعى توقعى الى فيه.
إيناس:ليه هو جواه حاجة تتكسر؟!!
-لا بس جواه شوية حلويات من الى جدك بيحبهم من يوم وفاة ماما الله يرحمها وهو ما بقاش بياكلها ألا من ايدى أنا حتى مرات خالك مش بيرضى ياكل بتاعتها لازم أنا إلى أعملهاله..يلا روحى اوعى تتسلى عليهم يا إيناس.
إيناس(بابتسامه خجوله):حاضر ما تخافيش مش هاكلهم..
راحت إيناس وحطت الحاجات زى ما والدتها طلبت منها بالظبط دى معروف عنها انها طوع والدتها وانها مؤدبة وبتسمع الكلام ومش بتشاغب رغم إنها ١٠ سنين مش أكتر..
طلعت البلكونه ونادت على أخوها الكبير:"حازم"والى كان بيلعب كورة مع شوية شباب اصحابه قدام بيتهم.
إيناس:حازم يا حازم يا حازم.
حازم:نعم..!!
إيناس:اطلع هقولك حاجه.
(طلع وهو متضايق ملحقش يخلص ماتش الكورة):نعم يا إيناس عايزة ايه؟!!
إيناس:تعال جهز نفسك يلا علشان احنا رايحين عند جدوا النهارده بالليل.
حازم:وايه يعنى!
إيناس:ما تخلص نفسك يا أخى وتجهز هو مش احنا محبوسين الأيام الى فاتت ومش بنزوره بسبب امتحانات الأفندى؟!!
حازم:بالراحة يا إيناس هو إنتِ زعلتى؟!
إيناس:لا.
حازم(والى حط ايده على شعرها الاسود الناعم):حاضر يا أنوس قلبى هروح آخد دش وجهز نفسي والله جدوا دا وحشنى جامد وكنت بقولك كده علشان اختبرك.
إيناس:ماشي يلا جهز نفسك...يلللا مستني ايه(زقته بقوة).
حازم:حاضر حاضر هههه.
دخل حازم يجهز نفسه ويرتب شنطته علشان يروحوا لجده من زمان ما شافوهوش من أول ما بدأوا مراجعات علشان امتحناتهم وهما مش بيروحوا عنده بيسألوا عليه بالتليفون بس،دايمًا بيحب يجمع أحفاده حواليه ويحكيلهم عن شبابه وأيام الجامعة وازاي كان شاب مغامر،وحازم بيعتبروا مثله الأعلى فى حاجات كتيرة،وبيعتمد عليه معظم الوقت من ساعة ما والده سافر علشان يشتغل بره وكل مشاكله الى بيحلها له هو جده.
فى المساء....
إيناس:يلا بسرعة.
-حاضر حاضر.
ركبوا العربية علشان يروحوا لجدهم وطول السكة قعدوا يتكلموا فى حاجات كتيرة عنه..
لما وصولوا...
-أهلًا أهلًا بالحبايب يلا ادخلوا.
إيناس وحازم فى صوت واحد:جدوووو.
إيناس:وحشتنى أوى يا جدوا.
-وانتِ يا أجمل أنوس.
حازم:أخبارك يا جدوا..
-بخير يا قلب جدوا طمنني عملت إيه فى الإمتحانات؟!.
حازم:كانت كويسه.
-كلها؟!!
حازم:معظمها بس أنا حليت الحمد لله.
-لازم تغير من نفسك شوية يا حازم التوتر بتاعك ده غلط.
حازم:ما هو مش بإيدى يا جدو.
-يا حبيبى:"من وثق بالله كفاه،ومن توكل عليه أغناه" ثق بربنا شوية.
حازم:واثق بيه.
-يبقى تخاف من إيه.
الأم:جدك عنده حق يا حازم لازم تتغلب على توترك وتحسن من نفسك.
حازم:حاضر يا ماما حاضر يا جدوا أوعدكم.
إيناس:سيبكم بقا من الجوا الكئيب ده وتعال احكيلنا يا جدوا عن مغامراتك.
-ههههه إيناس عايزة تجذب الإنتباه علشان مش لاقية حد يكلمها.
(احمرت خدود إيناس بشدة):ومالوا يا جدوا مش أنا بحبك يلا احكي بقا.
حازم:يلا يا جدوا.
وبالفعل بدأ الجد يحكى حكاياته ويتباهى بمغامراته ويضحكهم ويبسطهم وهم كذلك.
دايمًا حاول تقرب من الأشخاص إلى أكبر منك واتكلم معاهم حتى لو اختلفتوا فى الآراء بس هتلاقي متعة شديدة ما بتحسهاش مع أي حد...
#كن_كما_أنت
#نوران_محمد
لا تنسوا تتفاعلوا (بڨوت)☆
وأيضا ترك آرائكم فى التعليقات..لا تنسوا تعملوا فولو.🤎🤎🤎✨
أنت تقرأ
اسكربتات:نوران محمد🌾
Adventureلا أحد يولد ناجحا عليك أن تفشل مرات ومرات لتصل.🌻 مجموعة اسكربتات من كتابتى أتمنى تعجبكم.❤
