"لا تكن مهتما كثيرًا فبعض القلوب لا تشعر.."
-سليمان هو اسمى شاب طموح وعنده كتير من الأحلام لكن للأسف معندهوش إلى يشجعه على فعلها لكن أنا متأكد إن أنا هلاقى إلى أنا عايزه يوم من الأيام...دا كلام عنى.
لكن مش دا المهم أنا جاى أحكيلك قصة أنا مريت بيها وعايزك تتعلم منها علشان متغلطشِ غلطتى وتبقا زيي...
-من ٣ سنين وقتها كنت فى أول سنة فى كلية العلوم وبعد ما اتفرقت عن اصحابى إلى كانوا معايا فى المرحله الثانوية بص يعنى هما ما كانوش كتير هما كانوا اتنين تلاته بكتيره ما حدش منهم دخل معايا كلية العلوم ولذلك أنا كان لازم اعرف حد جديد.
-وأنا داخل ببص حوليا اتخبطت فى شاب كان شكله زى حالى مش عارف حد فسألنى:انت اسمك إيه؟
-سليمان الحلوانى..وانت؟!!
-أيمن بكر أنت شكلك أول سنه؟
سليمان:آه وانت كمان واضح إنك جديد فى المكان؟
أيمن:أيوه إيه رأيك نبقى أصدقاء؟
سليمان:دا شرف كبير ليا.
ولحسن الحظ لقيت اسمى واسمه جم مع بعض فى كل حاجه كنت فرحان أوى...بدأت أول سنه وكانت كل حاجه تمام التمام وصداقتى مع أيمن أنا كنت فرحان بيها الموضوع بدأ يكبر بدأت أحكيله عن حياتى وعن بيتنا وبصراحه لما بدأت أرتاحله كنت بقوله معظم أسرارى،بعد امتحانات الترم الأول رجعت بلدى وقعدت مع أختى ريم إلى فى تالته إعدادى وقعدت أحكيلها عن أيمن وما وقفنيش عن التكملة إلا إنها بصت لى بشكل غريب كده.
استغربت بصتها ولما سألتها عن السبب؟!
سليمان:مالك يا ريم بتبصي لى كدا ليه هو أنا قولت لك حاجه تدايقك حاسك عايزه تيجى تضربيني!!
ريم:آه والله نفسى أضربك ألم على وشك يفوقك انت أهبل؟!
استغربت بشده سؤالها ده!!!
سليمان:وأبقا أهبل ليه هو انتى عبيطه؟!!
ريم:آه عبيطه علشان أختك إنت إنسان مختل عقليًا فى حد يا عبيطه يحكم على شخص من المده دى بس كان غيرك أشطر.
سليمان:ما اسمحلكيش أكتر من كده لسانك طول جامد وبعدين أيمن مش أحسن من النكدية صحبتك؟!!
ريم:أولا صحبتى مش نكدية
ثانيا ما تجبش فى سيرتها وأنا بكلمك هى ما لهاش دعوه بالى بيحصل دلوقتى
ثالثا الصاحب ما يتعرفش إلا من المواقف يا مغفل مش أى واحد فى الشارع يقولك تعال نبقى اصحاب تصاحبه وبعدين دا انت قعدت سنين الحضانه وأول تلات سنين فى الإبتدائي من غير اصحاب تقوم تلاقى واحد قعدت معاه المده دى بس تقول عليه صاحبك الانتيم اعقل...سامعنى اعقللللللل.
سليمان:أنا عاقل الحمدلله ما تقلقيش وبعدين روحى كملى إلى كنتى بتعمليه.
طلعت وسبتها لكن الكلام أثر فيا نوعا ما حاولت ما اشغلشى نفسى بيه بس ما عرفتش حتى لما بدأ الترم التانى بدأت إن أنا ما أبقاش مغفل وأروح أقوله على أسرارى حتى هو بدأ يلاحظ وبدأ يسألني عن سبب التغير لحد واحنا فى نهاية السنه كان الدكتور قاعد بيشرح وفجأه أيمن راح مصفر فالدكتور سأل مين إلى عمل كده..ما حدش رد
فلقيته جاى ناحيته وبص له كده راح قايله الشاب إلى هناك ده هو إلى عمل كده وراح مشاور عليه أنا وقتها من الصدمه ما قدرتش أبرأ نفسى والدكتور وقتها طردنى من المحاضره وقتها الدنيا اسودت فى وشى مش ممكن يحطنى الدكتور فى دماغك ويصقتنى فى مادته ومنظرى قدام التانيين؟!!
وإزاى قدر يعمل حاجه زى دى إيه كان سبب صداقته ليه يعنى.
فضلت مستنى اليوم يخلص علشان أكلمه وفجأه لقيته طالع مع تلات شبان وبيضحكوا بصوت عالى وراحوا مشاورين عليه وقايلين دا الشاب المطرود.
اتضايقت قوى وروحت طالع فيه:إنت ليه عملت كده دا تمن صداقتنا؟!!
راح ضاحك بسخريه:وقالى يا اهبل انت هو فى صاحب يتاخد من يومين إنت بالنسبه ليه ما كنتش غير وسيله لأن أننا أعرف أذاكر وأجيب تقديرات رُوح رَوَّح أحسن لك وبطل غباء مع السلامة.
رجعت البيت وأنا متضايق وبعدين حكيت لماما إلى حصل بصراحه هى اتضايقت من طيبتى الزياده بس نصحتني إن أنا أخلى ده شىء يعلمني إن أنا لازم أبقا أفضل.
وفعلا اجتهدت وطلعت الأول والسعاده نستنى كل إلى حصل.
نسيت أقولكم أيمن سقط والتلاته إلى كانوا معاه جابوا ملاحق.
ما تزعلشى نفسك لما حد يسيبك إلى عايزك يجيلك لحاد عندك وإلى مش عايزك مع الف سلامه أبوابنا كتيره من الباب إلى يعجبه يمشى...
#كن_كما_أنت
#نوران_محمد
#اتفاعلوا_💙
أنت تقرأ
اسكربتات:نوران محمد🌾
Dobrodružnéلا أحد يولد ناجحا عليك أن تفشل مرات ومرات لتصل.🌻 مجموعة اسكربتات من كتابتى أتمنى تعجبكم.❤
