محمد : نبأ تعالي خلي السماعة ابأذنج
خليتهة اجاني صوت صفنت عليه سامعة هذا الصوت
: الو تسمعيني
فتحت عيوني من الصدمة وضليت ابجي
محمد : عوفي البواجي هسة تريد تحجي وياج
نبأ : هلو
رسل : يعمري مشتاقتلج كلش
نبأ : اني هم ولله وما اكدر احجي وياج لأن تعرفين موبايل ماعندي وما اعرف رقمج
اخذنة الواهس اخذت موبايل محمد ورحت الشقة عمتي نسولف بالساعتين تقريباً
فاطمة : وي منو تحجين
فاطمة بت عمتي وحبيبة محمد بس مامقررين شوكت يسوون الخطوبة
نبأ : صديقتي جانت وياي بالمدرسة القديمة
فاطمة : شوصل رقمهة الموبايل محمد
نبأ : جانت تريد تحجي وياي ومتعرف احد بس محمد راسلتة وكلتلة اريد احجي وي نبأ
سولفنة هواي ويمكن جان احلى يوم اشوفة بهاي السنوات
* بلشت المدارس وسويت نقل عالمدرسة الجديدة وجانت وياي فاطمة بنت عمتي اروح وياهة وارجع وياهة اتعرفت على وحدة من اول يوم
هاجر : انتي جاية نقل
نبأ : اي هاي اول سنة الي هنا
هاجر : اني شايفتج بس وين ما اعرف
نبأ : اني هم مشبهة عليج واحس حاجية وياج قبل
المدرسة : منو تنتقل للشعبة ج
اتفقت وي هاجر وانتقلنة سوة شفنة مدرسة العربي واكفة بباب الصف
نبأ : ست احنة اجينة من الشعبة الثانية وما اعرف شنو التحاضير مال اليوم
المدرسة: ادخلن و الله كريم .. دخلت ورانة للصف وكفت وكالت منو ممحضرة الواجب تطلعلي
نبأ : اني وصديقتي كتلج ما نعرف شنو التحاضير مال اليوم
المدرسة : اكعدي انتي منو حاجي وياج
هاجر الثولة طلعت وياهن ما اعرف ليش واتأشرلي حتى اكوم ما اهتميت الهة خلصنة الدرس على خير وخلص الدوام ورجعت جانت فاطمة ممدامة وما اعرف طريق المدرسة طلعت امشي ودخلت بشوارع ما شايفتهة ضليت ابجي وخايفة ما اعرف احد مشيت بطريق فارغ شفت ولد يمشي من الجهة المقابيلي
نبأ : خوية من رخصتك تعرف شارع العمارات
: اي تعالي وراي
امشي ولازمة كلبي ورجلية ترجف من الخوف شلت راسي شفت العمارة من الفرحة نسيت اكلة شكراً انطيتة ضهري ودخلت
مرت الايام واني من المدرسة للبيت وصار عندي صديقات وعرفت طريق المدرسة .. واجة اليوم الي جنت اتمنى
سوسن : محمد روح للصيدلية وجيبلي ....
اجة محمد واني صافنة ما فاهمة الموضوع
