💬 جعفر : احبج حب وما اعتبرج صديقة ورايدج بالحلال
💬 نبأ : بس اني اعتبرك صديق الي لا اكثر ولا اقل
💬 جعفر : اوعدج راح تحبيني وي مرور الوقت بس انطيني فرصة
💬 نبأ : ما اقتنع من الكلام اريد اشوف بعيني
💬 جعفر : اجي واخطبج بس اريد اتواصل وي شخص جبير وعندج ثقة بي
💬 نبأ : مسلم ابن خالو عقيل
💬 جعفر : عندج ثقة بي؟
💬 نبأ : اي هوة مرات يكعد ويانة يكول اعتبرني اخوجن الجبير و اي مشكلة تواجهجن كولن لتستحن
💬 جعفر : ماشي راح ادزلج رقمي وحساباتي وكليلة
نورسين واكفة يمي وتقنع بية انو هوة يحبني صفنت عليهة بأستغراب من شوكت هية تقتنع بالعلاقات وانو ولد يحبني هية بنفسهة متحب هاي الأمور
نورسين : ترة مبين يحبج لو ما يحبج مايكول اريد اتواصل وي شخص تثقين بي
نبأ : يعني اروح المسلم؟
نورسين : اي كومي شمنتظرة
رحت للديوانية لكيت مسلم كاعد دخلت كعدت يمة
نبأ : خوية عندي موضوع وياك واتمنى تتفهمني
مسلم : كولي اسمعج
سولفت الة كلشي صار وياي وشلون عرفتة
مسلم : شوفي اني ما اكلج غلطانة اي وحدة بعمرج تمر بهاي المرحلة بس غلط تثقين بي والمشكلة كاعدة ببيتي وتسوين هيج
نبأ : صح بس هوة ليش يكلي اريد اتواصل وي شخص جبير
مسلم : يريدج تسوين هيج حتى يوكعج بمشاكل واكيد اهلج ما راح يقبلون وورة مايتركج اهلج يكومون ما يثقون بيج يعني بأختصار يريد يسويلج مشاكل وي اهلج
نبأ : صح ما فكرت بهذا الموضوع
مسلم : انتي تحبينة
نبأ : لا بس ردت اشوف من اكلك وين يوصل بعدين شنو يسوي اريد اشوفة صدك يحبني لو لا
مسلم : تنطيني وعد ما تتواصلين ويا بعد
نبأ : خلص وعد
مسلم : حتى متكليلة على هذا كلامي ولا تكليلة اريد اتركك انسي
نبأ : ماشي
طلعت من يمة ما مقتنعة بكلامة بس ما باليد حيلة لليل فتحت الموبايل دخلت على فيديو ناشرة عاليوتيوب علقت الة
💬 نبأ : حجيت وي مسلم
💬 جعفر : وشنو كال
💬 نبأ : ما مقتنع
💬 جعفر : والحل
💬 نبأ : خلص ما اريد اتواصل وياك
💬 جعفر : ليش
