سديتة من يمة حذفت المكالمة وانتبهت على صوت ماما جانت تحجي وي ام جعفر دزيتلة رسالة وكمت وراهة
💬 نبأ : ماما تحجي وي امك دقايق واجيك
كمت وراهة كعدت بالمطبخ تسولف كعدت بالكاع وعيني عليهة
سوسن : ابو جعفر مو اول مرة تصير بية جعفر ينطيني موعد وتتأجل بالقرآن صارلي سنة لا ليلي ليل ولا نهاري نهار عيني ما شايفة النوم بالليل تسولف ويا ما انام ولله اكول خاف يجي واحد من خوالهة لو اخوانهة واذا عرفوا يذبحوهة واكثر من مرة يجوهة خطابة وما اقبل الخاطر جعفر اكول يحبهة وتحبة وماريد اكسر كلبهم بس وصلت حدهة وخالهة عرف والله يستر شيصير من يكول الخوالهة وحتى لو سكتوا اخوانهة مستحيل يسكتون ولله تنذبح
جانوا يسولفون وياهة اسمع ماما بس ما اسمعهم
سوسن : ابو جعفر هاي اخر فرصة الة اذا ما اجيتوا قبل رمضان وخطبتوهة ازوجهة غصباً عليهة وكلشي ماريد ولله لا ذهب ولا فلوس بس يصير علم عدهم هوة رايدهة لو خاطبهة حتى يسولفون براحتهم من واحد يشوفهة تحجي ويا ما تصير مشاكل
أم جعفر : ام نبأ بس انطيهة الموبايل تحجي ويا ولله الولد راح يموت من الصبح لا اكل لا شرب لا سوالف كاعد بالغرفة وبس يبجي
سوسن: ام جعفر اعرف بيج بالج يم ابنج بس اني ما فرحانة من اشوف بنتي من الصبح تبجي وبدون اكل ولله كلبي ممرود عليهة بس غير المصلحتهة واخاف عليهة ولا يهمج هسة ارجعة الهة بس كتلج هاي اخر فرصة الجعفر
سدتة وطلعت طلعت وراهة وكفت بباب الغرفة طلعت والموبايل بأيدهة
سوسن : اخذي احجي وي جعفر
اخذتة ودخلت اركض للغرفة فتحتة اتصلت عليه اسمعة يبجي اسكت بي وابجي ويا
نبأ : حبيبي اني يمك كافي الموبايل واخذتة بعد ما اعوفك ولله كافي اسكت يكلبي
ما حجة شي ضل مستمر يبجي حاولت اهدئة وابجي ويا بنفس الوقت ورة دقايق سكت سولفت ويا شوية خليتة يرتاح ويطمئن انو الموبايل راح يبقى عندي
جعفر : نكوم ناكل وتجين وياي ادرس باجر عندي امتحان
نبأ : يلا
كمت للمطبخ اسوي اكل واحجي ويا فرحانة كلش ومرتاحة لأن سمعت صوتة اجت ماما تباوع بوجهي ومبتسمة
نبأ : شبيج
سوسن : اكتمي اريد احجي وياج
نبأ : اي سولفي
سوسن : حجيت وي ابوج على جعفر
نبأ : جذب
سوسن : ولله
نبأ : شنو كلتيلة
سوسن : كتلة تحبة ويحبهة ورايدهة بس كتلة تواصلهم بحدود
