مرتجى : مرتضى يريدج كال صيحلي نبأ
باوعت علية فاطمة بخوف ثنينة صار وجهنة اصفر لا ماما هنا ولا محمد ولا بابا ماكو اي شخص اكبر من عدنة غير مرتضى
نبأ : فاطمة ماروح ولله يسويلي شي هذا مخبل
فاطمة : اصلاً اني ماخليج تروحين شبية ما عندي عقل اسلمج بيدة اذا ما تجي خالة تحلمين تطلعين حتى لو تردين تروحين ماخليج
نبأ : خاف يجي الشقتكم ولله خايفة
فاطمة : حتى اني خايفة يجي .. زين شنو رأيج نروح ثنينة وانتي ابقي وراي ما اخلي يتقربلج
نبأ : ما اعرف بس هوة بالحالتين لو جايني لو رايحتلة
بهاي اللحظة توقعت كلشي منة ماجان عندي غير خيار بكل الحالات اني واكعة ابأيدة
نبأ : يلا نروح بس ابقة وراج لتخلي يتقربلي
طلعنة اني وفاطمة دخلنة للشقة وكفت بباب الصالة وفاطمة كدامي
مرتضى : نبأ تعالي اريد احجي وياج
فاطمة : احجي وياهة كدامي ماخليهة تروح وياك
مرتضى : اريد احجي وي اختي انتي شكو
نبأ : ماريد اجي وياك عندك شي احجي هنا
ما اعرف منين اجتني الجرئة وحجيت هيج بس بوقتهة ما انكر انو الخوف متملكني .. لزمني من ايدي ضاغط عليهة ويخزر بية
مرتضى : نبأ حبيبتي تعالي بس احجي وياج ما اسويلج شي ولله
حبيتك حية إن شاء الله شوكت صرت حبيبتك
فاطمة : نبأ روحي شوفي شيريد لتخافين منة ولا تخلي يتقربلج واني راح اوكف بباب الغرفة بس يسويلج شي صيحيلي اكسرلة ايدة
دخلت ويا الغرفة محمد كعد عالتخم اشرلي اكعد يمة كعدت بعيد عنة ضل يتقرب واني ابتعد الى ان صرت بينة وبين الكنتور خلة ايدة وراي تحاوطني حضني
مرتضى : خايفة مني ؟
نبأ : لا
مرتضى : ضايجة؟
خليت عيوني بعيونة اباوع عليه بحقد وكره وهوة بادلني نفس النظرات لان ماجان يريد يعتذر مني بس انجبر لأن كلهة صارت ضدة وكلهة كرهتة بسبب تصرفة خوالي واهلي بس لو بيدة يذبحني بهاي اللحظة .. رجع سأل نفس السؤال
مرتضى : جاوبي ضايجة مني
نبأ : اي وهواي مو شوية اذيتني هواي
مرتضى : اعذريني ولله بوقتهة الشيطان لعب براسي وإذا قصدج لان ضربتج تعرفين من الصغر ماما جانت امأذيتنة وهذا الشي اثر على نفسيتي
نبأ : وليش جذبت علية وكتلي ماما كالت اختبر نبأ
مرتضى : ماكتلج
